Жарты миллион теңге қайтарымсыз грантты алудың жолдарымен таныс болыңыз

Грант «Еңбек» бағдарламасы аясында беріледі

Фото: Shutterstock

Елімізде халықтың әлеуметтік мүмкіндігін қолдауға, олардың бизнесін дамытуға бағытталған бірнеше жобалар жұмыс істейді. Соның бірі – «Еңбек» мемлекеттік бағдарламасы аясында халықтың әлеуметтік осал топтарын қолдауға бағытталған қайтарымсыз грант жобасы. 


Азаматтар өз бизнес-идеясын жүзеге асыру үшін 500 мың теңгеден сәл жоғары (200 АЕК) көлемде қаражат ала алады. Әрине, тегін қаржылық қолдауға ие болу үшін бағдарлама бекіткен арнайы талаптарды орындау қажет. Ол үшін өз тұрғылықты жеріңіз бойынша халықты жұмыспен қамту мекемесіне барып, мына құжаттарды ұсынасыз: 
•    Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы шеңберінде жаңа бизнес-идеяларды іске асыру үшін мемлекеттік грант алуға өтініш;
•    Жеке басын куәландыратын құжат; 
•    Оралмандар оралман куәлігін ала келуі керек; 
•    Алдын-ала дайындалған бизнес-жоспар;
•    Бағдарлама шеңберінде оқу курсынан өткенін растайтын құжаттың көшірмесі. 


Қазірдің өзінде осы жобаны 5 мыңнан астам адам пайдаланып, қайтарымсыз гранттарға ие болған. 
    Жалпы, жыл басынан бері дәл осы уақытқа дейін 6,5 мың мүгедектігі бар адам «Еңбек» бағдарламасының арқасында жұмысқа орналасқан. Екі мыңға тұрақты жұмыс тапса, 4 мыңнан астамы уақытша жұмыс істей бастаған. Тағы 29 адам микрокредит алып, 24-і жеке кәсібін бастап та кетіпті. 106 адам қайтарымсыз грантқа ие болып, жеке бизнесін жүргізу мүмкіндігіне ие болған. Соңғы статистикалық дерек бойынша, елімізде мүгедек азаматтар саны – 695 мың. Олардың 424 мыңы еңбекке қабілетті жаста. 112 мың адам жұмыс істеп жүр. 
    Осы жылдың 1 маусымындағы ақпарға сүйенсек, жалпы республикада 224,7 мың адам «Еңбек» бағдарламасына белсенді қатысқан. 184 мың адам жұмысқа орналасса, соның 99 мыңы тұрақты жұмыстың тізгінін ұстаған. Ал жыл басталғалы бері жаппай кәсіпкерлікті дамыту мақсатында 10,4 млрд теңгеге 2 179 несие берілген. Оның басым бөлігін, яғни, 1 963 микрокредитті ауыл кәсіпкерлері еншілепті. Сөйтіп, олар 2 206 жұмыс орнын құрған. Жоғарыда біз атап көрсеткен 200 АЕК мөлшеріндегі қайтарымсыз грант саны – 24 мың. 

banner_wsj.gif

Әлем елдерінің парламентінде гендерлік теңдік сақтала ма?

Соңғы 25 жылда әйелдердің үлесі 2 есе өскен

Фото: Асқар Ахметуллин

Соңғы 25 жылда парламенттегі әйелдердің үлесі екі есе өскен. Халықаралық парламент одағының (Inter-Parliamentary Union) мәліметі бойынша, бүкіл әлемдегі сайланбалы заң шығарушы органдардағы орынның 25 пайызы әйелдерге тиесілі. 

1995 жылдары парламенттегі әйелдердің үлесі бойынша Скандинавия және басқа да дамыған мемлекеттер көшбасшы болып, бірінші орында Швеция тұрған. Қазіргі кезде парламенттегі әйелдер саны бойынша Шығыс Африкада орналасқан Руанда көш бастап тұр. 

Төменгі палатадағы депутаттық 80 орынның 49-ын әйелдер иеленген, соның ішінде 24 орын әу баста-ақ әйел адамдар үшін арнайы квота ретінде бөлінеді. Дүниежүзілік экономикалық форумның байламы бойынша, 2015 жылы Руанда Үкіметі әлемдегі ең нәтижелі биліктің ондығына енген.

Куба Республикасының бір палаталы парламентіндегі 605 депутаттың 322-і – әйелдер, бұл мемлекетте биліктегі әйелдердің үлесі өте жоғары. Одан кейінгі орында Боливия тұр, онда парламен төменгі палатасының 53,3 пайызын әйелдер құрайды. 2019 жылдан республиканы ел тарихындағы алғашқы әйел-президент Жанин Аньес басқарып келеді. 

Ал төртінші орында – Біріккен Араб әмірліктері. Бұл елде парламеттің қызметін ұлттық аймақтық кеңес атқарады, онда президент резолюциясы бойынша әйел адамдарға 50 пайыз квота бөлінген. БАӘ ұлттық кеңесі – заң шығарушы орган емес. Тек заңды талқылау мен оған өзгертулер мен толықтыру енгізуге құқылы. 

Ал Швеция қазір жетінші орынға түсіп кеткен. Ел парламентіндегі әйелдердің үлесін арттыру бағытында соңғы ширек ғасырда Оңтүстік және Солтүстік Америка елдері қарқынды дамыды. Бұл ретте Тынық мұхиты аймағындағы мемлекеттерде алға жылжу аз. Мәселен, Папуа-Жаңа Гвинея және Вануату сынды мемлекеттердің парламентінде әйел адамдар мүлдем жоқ. 

Ал ТМД елдері арасында парламенттегі әйелдер саны бойынша бірінші орында Беларусь келеді, ал әлем елдері арасында –22 орында. Бұл елде парламент төменгі палатасындағы әйел депутаттардың саны 40 пайызды құрайды.

aiel.png

Осы ретте әйелдердің сайлау процесіне қатысуы елдегі саяси еркіндіктің кепілі бола алмайтынын айта кеткен жөн. Айталық, Руанданың өзі Freedom House тұжырымы бойынша, еркіндік рейтингіндегі 100 балдың тек 22-сін жанап, еркіндік жоқ елдердің қатарына кірген. Ал Араб әмірліктеріндегі еркіндік деңгейі 17 баллға бағаланса, Куба Республикасында тіптен төмен – бар-жоғы 14 балл. 

Кейбіл елдерде парламенттегі әйелдер санының артуын арнайы квота енгізілуімен түсіндіруге болады. Парламентаралық кеңестің бас хатшысы Мартин Чунгонг  квота енгізілген елдерде әйелдер өз қабілеттерін барынша көрсете алатынын атап өткен.

Әйелдердің сайлау процесіне қатысуына кепіл берілуі көптеген елдерде өз нәтижесін беріп келеді. Биліктің сайланбалы органдарында әйелдер үшін арнайы квота бөлу тәжірибесі әлемнің 104 елінде қолданылады. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg