Ұстаздардың құқықтарын бұзғандарға тиісті шаралар қабылданды 

Білім беру саласында сапаны қамтамасыз ету департаменттері педагогтердің құқықтары мен заңды мүдделерін бұзатын тұлғаларға қатысты тиісті шаралар қабылдап жатыр. Бұл туралы ҚР Білім және ғылым министрлігінің ресми Telegram-каналы хабарлады.

Лауазымды тұлғаларға қатысты әкімшілік істер қозғалды. Атап өтсек:

*Нұр-Сұлтан қаласындағы мектеп-гимназиясы директорының міндетін атқарушы педагогтерден артық есеп беруді талап еткен;

*Түркістан облысының орта мектеп директоры педагогке өзіне тән емес функцияларды жүктеген.

Тәртіптік жаза қолданылды.

 Мұғалімдерге қосымша ақы мен еңбек демалысының ақысы уақтылы төленбегені үшін Шығыс Қазақстан облысында мектеп директоры және аудандық білім бөлімінің меңгерушісі;

*Мектеп жөндеуге  қаражат жинау фактісі бойынша Павлодар қаласының мектеп директоры жауапкершілікке тартылды.

*Педагогтердің құқықтары бұзылған жағдайда аумақтық департаментке хабарласқан жөн екендігін естеріңізге саламыз.