ҚР Денсаулық сақтау министрлігі 87 виброакустикалық апараттар сатып алды

Бұл өкпе патологиясын емдейтін  құрылғылар

Фото: ҚР Денсаулық сақтау министірлігі телеграм каналы

Денсаулық сақтау министрлігі Қазақстандағы жұқпалы аурулар ауруханаларына өкпе патологиясын емдейтін  87 виброакустикалық аппарат сатып алды. Бұл туралы Денсаулық сақтау министірлігі телеграм каналында хабарлады.

Бұл COVID-19 қарсы күресу мақсатында медициналық көмек көрсететін денсаулық сақтау ұйымдарының материалдық-техникалық базасын нығайтуға бағытталған бағдарламаның жалғасы.

Ұлттық стандарттардың талаптарына сәйкес вирустық инфекциядан пайда болған өкпе асқынуларын емдеу ережесі бойынша  виброакустикалық терапияны қолдану қажет және аталған аппаратты пайдаланған жағдайы ауыр науқастардың нәтижесі оң.

Дәрі-дәрмекпен емдеу әдісін азайтылған, кешенді бифокальды виброакустикалық өкпе терапиясы:

- өкпені желдетуді жақсарту;

- трахеобронхиалды дренирлеуді белсенді ету;

- өкпе тінінің инфильтрациясын шешуді жеделдету;

- өкпені жасанды желдету аппараттарын қолдану мерзімін  қысқарту және жіті респираторлық дистресс-синдромның даму қаупін төмендету.

Айта кету керек, бұл аппараттың әзірлеушісі және өндірушісі отандық BERK Technology компаниясы, кәсіпорын отандық өнімді БАӘ, Сингапур, Ресей, Өзбекстан және басқа да елдерге экспорттайды.

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер