Қандай қан тобы COVID-19 инфекциясына қарсы тұра алатыны белгілі болды

Ғалымдар екінші қан тобы бар адамдар коронавирусты жұқтыруға бейім деген тұжырымға келді

Фото:Shutterstock

АҚШ ғалымдары бірінші қан тобының иелері коронавирустық инфекцияға қарсы тұруға қауқарлы екені туралы айтты. Бұл туралы Жаңалықтар KZ телеграм каналы хабарлады.

Зерттеуге 750 мың адам қатысты, олардың 10 мыңына COVID-19 диагнозы қойылды. Жынысы, салмағы мен жасына қарай бөліп, сарапшылар бірінші қан тобы бар адамдарда коронавирустың таралу деңгейі 9-18 пайызға төмен екенін анықтады.

 "Көбінесе, COVID-19 үшінші және төртінші қан топтарының иелерінде кездеседі. Олардың ішінде COVID-19 оның 1,5 пайызында анықталды. Екінші топтағы адамдарда бұл көрсеткіш 1,4 пайызды, ал бірінші топтағы адамдарда - 1,3 пайызды құрады", - дейді сарапшылар.

Төртінші қан тобы бар адамдарда коронавирус 4,1% жағдайда, үшінші адамдарда - 4%, екінші адамдарда - 3,9%, бірінші адамдарда - 3,2% диагнозы қойылған.

Бұған дейін халықаралық ғалымдар тобы екінші қан тобы бар адамдар коронавирусты жұқтыруға бейім деген тұжырымға келді. Сарапшылар бұл құбылысты өзіне тән ерекше мутациямен байланыстырды.
 

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер