COVID-19-ға қарсы қазақстандық вакцина 2020 жылғы қыркүйекте клиникалық сынаққа алынуы мүмкін

Институт ғалымдары үш платформада КВИ-ға қарсы бес вакцина әзірленуде

Фото;primeminister.kz

ҚР Премьер-Министрі Асқар Маминнің төрағалығымен өткен ҚР Үкіметінің отырысында биологиялық қауіпсіздік саласындағы ғылыми-зерттеу қызметі туралы білім және ғылым министрі Асхат Аймағамбетов баяндады,- деп хабарлайды primeminister.kz .

А. Аймағамбетовтың айтуынша, Қазақстанда биологиялық қауіпсіздік және биотехнология саласында жүйелі түрде ғылыми зерттеулер жүргізіледі. Салада 12 ғылыми ұйым, 2,5 мыңға жуық адам жұмыс істейді. Бүгінгі таңда еліміздің 19 жоғары оқу орнында саланың 4 мыңға жуық болашақ маманы білім алуда.

Ұлттық биотехнология орталығы — биологиялық бейіндегі ірі ғылыми ұйымдардың бірі. Орталық 25 сертификатталған ғылыми зертханадан тұрады.

«Пандемияның бастапқы кезеңінде, елімізге тест-жүйелері әлі әкелінбеген кезде, осы мекеменің мамандары 6 күн ішінде жасанды синтезді пайдалана отырып, SARS COVID-2 тірі штаммы болмаған кезде, коронавирусты диагностикалау үшін сенімді ПТР тест-жүйесін әзірледі. Осы жүйенің арқасында індеттің алғашқы күндерінде жалпы диагностика жүзеге асырылды. Кейінірек алынған шетелдік диагностикалармен салыстыра отырып, осы жүйенің жоғары сезімталдығы дәлелденді», — деді министр.

Бүгінде Ұлттық биотехнология орталығы Денсаулық сақтау министрлігінің тапсырысы бойынша 11 мың тест-жүйесін әзірледі.

Осы саладағы тағы бір маңызды ұйым — Биологиялық қауіпсіздік проблемаларының ғылыми-зерттеу институты. Институттың 13 зертханасында қауіпті инфекциялармен жұмыс жүргізілуде. Институт ДДСҰ-мен денсаулық сақтау саласының қажеттілігі үшін аса қауіпті инфекцияларға қарсы вакциналарды әзірлеуге келісімшарт жасасты. Институт жұмысы медицинада және ауыл шаруашылығында вакциналардың жаңа түрлерін әзірлеуге, иммунобиологиялық препараттарды өндіруге бағытталған. Барлығы ұйым қауіпті және аса қауіпті инфекцияларға қарсы отандық вакциналардың 67 түрін әзірледі.

Сонымен қатар Институт ғалымдары үш платформада КВИ-ға қарсы бес вакцина әзірленуде.

«Алғашқы инактивацияланған вакцина – вирус химиялық заттардың әсерінен бейтараптандырылған. ДДСҰ белсенділігі жойылған кандидаттық вакцинаны әзірлеу хаттамасын тексеріп, 2020 жылғы 15 мамырда өз тізіміне қосты», — деді министр.

2020 жылғы 15 мамырда кандидаттық инактивацияланған вакцинаға клиникаға дейінгі сынақтар басталды: желілік тышқандардағы қауіпсіздік пен иммуногендігі тексерілді.

2020 жылғы 10-23 маусымда кандидаттық вакцинаның уыттылығы мен аллергиялық қасиеттері зерттелді, сондай-ақ осы жылдың маусым-шілде айларында зерттеулер әртүрлі жануарларда, соның ішінде приматта жасалады, иммуногендігі зерттеледі.

Қыркүйек айында клиникалық сынақтарға шығу жоспарланған.

Министрдің айтуынша, аталған сынақ кезеңдері сәтті болған жағдайда вакцинаның тиімділігі мен зиянсыздығын тексерудің келесі кезеңдеріне өту мүмкіндігі пайда болады.

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер