Биыл елімізде өзен көлігімен 153 мың тонна жүк тасымалданған

Бұл өткен жылмен салыстырғанда 7,8% артық

фото: ҚР ИИДМ

Биылғы 5 айда елімізде өзен көлігімен 153 мың тонна жүк тасымалданған. Бұл туралы ҚР Индустрия және инфрақұрылымдық даму министрлігі хабарлады. 

Қазақстанда кеме қатынасы Ертіс, Орал-Каспий және Іле-Балқаш бассейндерінде жалпы ұзындығы шамамен 3 262 шақырымдық кеме қатынасы учаскелері бойынша жүзеге асырылады.


Өзен көлігі жұмысының қауіпсіздігі мен тиімділігі кеме қатынасына жасалған жағдайға тікелей байланысты.
Кеме қатынасы қауіпсіздігін қамтамасыз ету бойынша жол жұмыстарын және басқа да іс-шараларды "Қазақстан су жолдары" РМҚК жүргізеді.


Биылғы қаңтар-сәуір айларында кәсіпорын кемелер мен кеме қатынасы жағдайы белгілерін навигациялық кезеңге дайындау жұмыстарын жасады. Кеме қатынасы учаскелері бойынша навигацияның ашылуы мемлекеттік тапсырыспен белгіленген мерзімде - сәуір-мамыр айларында жүргізілді.


Ертіс өзені су қоймалары Жоғарғы Ертіс каскады деңгейлері арасында кемелердің еркін өтуі кеме жүзетін үш шлюз арқылы  қамтамасыз етіледі: Өскемен (1-камералы, қысым фронтының биіктігі 42 м), Бұқтырма (4-камералы, қысым фронтының биіктігі 69 м) және Шүлбі (1-камералы, қысым фронтының биіктігі 29 м), ГЭС бөгеттерімен тең 50 км3 су ұстап тұрады.


Шлюздердің апатсыз жұмысын қамтамасыз ету үшін 2020-2025 жылдарға арналған "Нұрлы жол" мемлекеттік бағдарламасы аясында оларға күрделі жөндеу жүргізу көзделген. Биыл осы мақсатқа бөлінген 1,9 млрд. теңгенің 52 % игерілді.


Ағымдағы жылдың 1 маусымына өзен көлігімен тасымалдау көлемі шамамен 153 мың тоннаны құрады. Бұл өткен жылдың тиісті кезеңімен салыстырғанда +7,8% көп.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg