Алмалы ауданың жаңартуға  бюджеттен 240 млн теңге бөлінді

Алматы әкімі бұл жердің атмосферасын шығармашылыққа шабыттандыратындай болсын деді

Фото:Алматы әкімдігінің телгерам каналы

Бақытжан Сағынтаев жұмыс сапары барысында «Жұмыспен қамтудың Жол картасы» бағдарламасы және «Бюджетке қатысу» жобасы аясында қолға алынған Алмалы ауданының коғамдық кеңістіктерін абаттандыру барысымен танысты. Бұл туралы Алматы әкімдігінің телгерам каналы хабарлады.

Б. Сағынтаев Instagram-дағы парақшасында «Бюджетке қатысу» жобасы арқылы тұрғындардың өздері таңдап алған қоғамдық кеңістіктерді абаттандыру жұмыстарының барысымен танысқанын жазды. Олар — Жамбыл атындағы сквер, Жамбыл көшесі бойындағы және Розыбакиев көшесі мен Қожамқұлов көшесінің қиылысындағы жасыл аймақтар. Мұнда жайлы орындықтар, тренажерлік кешендер қойылып, ойын алаңдары, гүлзарлар , жаяу жүргінші жолдары жасалуда.

Алматы әкімі «Тастақ» ықшамауданындағы Прокофьев көшесін жөндеу жұмысының барысымен танысты. Мұнда ойын және спорт алаңдары, демалатын орындары бар заманауи жаяу жүргінші аймағы салынады. Жоғарыда аталған көше қайта жаңарған Дүйсенов көшесімен қилысады, мұнда да өткен жылы жайлы жаяу жүргінші аймағы пайда болған еді.

«Осылайша Алмалы ауданының осы бөлігіндегі тұрғындардың өз "Төлебайы" пайда болады», — деп атап өтті қала әкімі.

Б. Сағынтаев жұмыс сапары кезінде «Жұмыспен қамтудың Жол картасы» бағдарламасы аясында қолға алынған Гагарин бульварының Абай даңғылынан Төле би көшесіне дейінгі аумағының және Мақатаев атындағы сквердің қалай жөнделіп жатқанын көрді.

«Бұл сквер шығармашыл зиялы қауымның, жас ақындар мен жазушылардың мекеніне айналуы тиіс. Тіпті мұндағы атмосфераның өзі шығармашылыққа шабыттандыратындай жағдай жасау міндетін қойдым», — деп жазды Б. Сағынтаев.

Ағымдағы жылы Алмалы ауданында «Бюджетке қатысу» жобасы бойынша 15 жоба іске асатын болады, ол үшін 240 млн теңге бөлінген. Айта кетерлігі, скверлер мен жасыл аймақтарды, аулаларды жөндеу, қозғалысы шектеулі  азаматтар үшін жер асты өтпелі жолдарға көтергіш тетіктерді орнату бойынша бірқатар жобалар да жүзеге асады.
 

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер