Алакөл көлінде қауіпсіздік шаралары күшейтілді

Демалушылар саны артуы мүмкін

Фото: L.Ablanova

Осы жылы Алакөл көлінде демалғысы келетіндердің саны басқа туристік елдерде карантинге байланысты өсуі мүмкін. Алматы облысы ТЖД Жедел-құтқару жасағының құтқарушылары шомылу маусымы кезеңінде қызмет атқарудың күшейтілген нұсқасына көшуде. Бұл туралы Алматы облысы ТЖД баспасөз қызметі хабарлады. 


Алакөл өңірінің құтқарушылары күн сайын төрт бағытта, оның ішінде Көктұма ауылында жағалаудың бойында адамдар шомылатын жерлерде судағы патрульдеу жұмыстары жүргізілуде.


Ақши ауылындағы көлдің жағасында орналасқан құтқару станциясы авариялық-құтқару жұмыстарын жүргізу үшін барлық қажетті құтқару жабдықтарымен жабдықталған, соның ішінде аквалангистік костюм, жүзу құралдары және т.б. 


Әдетте, суға шомылу маусымы басталар алдында құтқарушылар жеке демалыс орындарының иелеріне сеніп тапсырылған жеке демалыс орындарының аумақтарында азаматтардың қауіпсіздігін қамтамасыз ету бойынша тиісті шаралар қабылдау туралы ұсыныстарымен хат тапсырады.


Алакөл өңірінің құтқарушылары 2019 жылы 46 адамды құтқарды, Алакөлде өткен шомылу маусымы кезінде адамдардың қаза болуы тіркелген жоқ.

2020 жылы Ақши ауылының құтқарушыларымен 4 рет шығулар жүзеге асырылды оның ішінде Үшарал-Достық автожолының Ырғайты учаскесінде қар құрсауына түскен адамдарды құтқару үшін, онда 7 адам құтқарылды.


Алматы облысы Төтенше жағдайлар департаменті азаматтардың демалуы кезінде қайғылы оқиғаларға жол бермеу үшін барлық мүмкін шараларды қабылдауда. Осындай шешімнің бірі жыл сайын шомылу маусымы кезінде Ақши ауылында мобильді өрт сөндіру бекетін құру болды, бекетін құру мақсаты өрт пайда болған жағдайда тез әрекет ету және демалушылардың қауіпсіздігін қамтамасыз ету болып табылады, өйткені жақын маңдағы өрт сөндіру бөлімі Үшарал қаласында орналасқан, оған дейінгі қашықтық 70 шақырым және Достық станциясында, оған дейінгі қашықтық – 115 шақырым құрайды. Көлге жақын орналасқан өрт кезінде өрт сөндірушілерге көмекке құтқарушылар да өз қайығында келуі мүмкін, ол сондай-ақ өрт сөндіру немесе өрт сөндіру автомобилін сумен толтыру үшін су беруге жабдықталған.

Қазіргі уақытта Ақши ауылының өрт сөндіру бекетінде қойылған міндеттерді орындауға дайын екі өрт сөндіру автоцистернасы бар. Жергілікті атқарушы органдармен Ақши ауылында өрт сөндіру бекетінің салынуы жақын араға жоспарланған.


Құтқару станциясы тәулік бойы жұмыс істейді, жыл бойы онда 13 құтқарушы мен 4 өрт сөндіруші қызмет етеді.


Алматы облысы ТЖД азаматтарға судағы қауіпсіздік ережелерін сақтауды ұсынады:


- шомылуға арналмаған жерлерде суға түсу;
- мас күйінде суға шомылу;
- балаларды қараусыз қалдыру;
- жүзе алмау немесе өз күшін дұрыс бағаламау.
 

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер