Ақмола облысындағы тұрғын үй құрылысына 24,7 млрд. теңге инвестиция салынды

2085 тұрғын үй пайдалануға берілді

Фото: ҚР ИИДМ

Ақмола облысында биылғы 5 айда тұрғын үй құрылысына 24,7 млрд. теңге инвестиция салынды. 2020 жылы Ақмола облысында қаржыландырудың барлық көздері есебінен 570 мың шаршы метр немесе 5300 тұрғын үй салу міндеті тұр. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады. 

5 ай ішінде өңірде тұрғын үй құрылысына 24,7 млрд. теңге инвестиция бағытталып, жалпы алаңы 239,3 мың шаршы метр болатын 2085 тұрғын үй пайдалануға берілді.

«Нұрлы жер» тұрғын үй-коммуналдық дамыту мемлекеттік бағдарламасы шеңберінде биыл өңірде инженерлік-коммуникациялық инфрақұрылым және тұрғын үй құрылысына 10,4 млрд. теңгеге 49 жобаны іске асыру көзделген. 595 жұмыс орны ашылады.

49,4 мың шаршы метр немесе 1 002 жалға берілетін және кредиттік тұрғын үйді пайдалануға беру жоспарланған.

Оның ішінде сатып алусыз жалға берілетін тұрғын үй құрылысына 21 жобаны іске асыру үшін 2,9 млрд. теңге қарастырылған. Биыл 5 айдың қорытындысында қаржыландыру жоспары бойынша әкімдікке 357,4 млн.теңге аударылды. Жыл соңына дейін 13,9 мың шаршы метр немесе 290 жалға берілетін тұрғын үйді пайдалануға беру жоспарланған. Бұл үйлердің құрылысына барлығы 202 адам жұмысқа тартылады.

Кредиттік тұрғын үй құрылысына 13 жобаны іске асыру үшін 5,6 млрд. теңге қарастырылған. Оған 35,5 мың шаршы метр немесе 712 тұрғын үй пайдалануға беріледі. 250 жұмыс орнын құрылады.

Бұдан басқа, «Нұрлы жер» мемлекеттік бағдарламасы аясында 2% несие берілетін «Бақытты отбасы» бағдарламасын жүзеге асыруға биыл республикалық бюджеттен облыс әкімдігіне 181 тұрғын үй қарызына 1,8 млрд. теңге қарастырылған.

Облыста тұрғын үй құрылысы аудандарына инженерлік-коммуникациялық инфрақұрылым жүргізуге 15 жобаны іске асыру үшін 1,9 млрд. теңге қарастырылып отыр. Биылғы 5 айдың қорытындысында 166,4 млн. теңге аударылып, қаржы 100% игерілді. Ол жобалар бойынша 143 адам жұмыспен қамтылады.
 

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер