Тұрғындар сақтық шараларын сақтамаса, карантинді қатаңдатуға тура келеді

Карантинде инфекцияның таралуы төмендеп, шектеуді алып тастаса, қайта көтеріледі

Фото:ortcom.kz

ДДСҰ тұжырымы бойынша әлемде коронавирус пандемиясы әлі біткен жоқ. Қазақстанда ол толқынды түрде келе жатыр. Карантинде инфекцияның таралуы төмендесе, шектеуді алып тастаған кезде, қайта көтеріледі. Осы ретте қазақстандықтар сақтық шараларын қатаң сақтамаса, карантинді қайта қатаңдатуға туралы келеді деп мәлімдеді бүгін онлайн брифинг барысында Денсаулық сақтау министрі Елжан Біртанов.

«Біріншіден, әр адам 2 метр әлеуметтік арақашықтықты сақтауы тиіс. Жұмыс орнында және сыртқа шыққанда әлеуметтік арақашық сақтау керек. Екіншіден, пандемияны тоқтату үшін қазіргі уақытта маска тағу өте маңызды. Әрине, жеке бас тазалығын сақтау өте маңызы мәселе. Індет ауамен ғана емес, қол арқылы да жұғады»,– деді Елжан Біртанов.

Қазіргі кезде Қазақстанда  COVID-19 инфекциясын 9300-ден астам адам жұқтырған. Оның жартысынан астамы, яғни 4613 науқас  емделіп ауруханадан шықса, 37 науқас коронавирус инфекциясы салдарынан қайтыс болды. 4653 адам  ем алып жатыр, оның ішінде 355 бала бар.

«Осы науқастардың 85%-ның жағдайы жеңіл (симптомсыз), 13%-ның жағдайы орташа, 1,5 пайызының, яғни 58 адамның жағдайы ауыр. 19 науқас өкпені жасанды желдету аппаратында  жатыр. Соңғы екі аптада күнделікті өсім деңгейі 5 пайыздан аспады. Соған қарамастан кейбір өңірлерде коронавирус диагнозымен тіркелген науқастардың саны артты. Мәселен, Атырау, Қарағанды, Жамбыл, Қостанай, Түркістан, Батыс Қазақстан облыстары бойынша және Шымкент қаласында. Бұл өңірлерде инфекця жұқтырған науқастар  – ірі кәсіпорындардың қызметкерлері. Айталық, бір ғана Теңіз кен орнында 1063 адам коронавирус жұқтырғаны анықталды», – деді министр. 

Министрдің айтуынша, Қарағанды облысында  –358 науқас, ал Шымкент қаласындағы «ПетроҚазақстан» ұйымында  – 219, Нұр-Сұлтан мен Түркістан қаласындағы құрылыста 80-нен астам науқас тіркелген.

«Сонымен қатар Алматы мен Жамбыл облыстарындағы әскери ұйымдардың ішінде де көп науқас тіркелді. Себебі белгілі. Карантин кезінде біз, жалпы халық үйде отырған кезде кейбір жұмысшылар, мысалы медицина қызметкерлері, әскери адамдар және жұмысы тоқтатылмайтын кәсіпорындарда жұмысшылар жұмыс істеген соң, инфекция таралуы тәуекелі жоғары болды да, осындай жағдай тіркеліп отыр»,  деді Елжан Біртанов.

Еліміздің бас дәрігерінің айтуынша, коронавирус жұқтырған науқастардың арасында ауырып, анық симптоммен келген адамдардың саны 15-16 пайыз көлемінде ғана екен.

«Ал науқастардың 70 пайызы симптомсыз тіркелген. Себебі бұл науқастарды табу үшін Денсаулық сақтау министрлігі және жергілікті әкімшіліктер алдын алу скринингін өткізіп жатырмыз. Президенттің тапсырмасы бойынша қазіргі күні скринингтің көлемін тәулігіне бастапқы 4 мыңнан  25 мың тестке көтердік. Жалпы осы эпидемия басталғаннан бері елімізде 711 мың тест өткізілді. Олардың 260 мыңнан астамы, жалпы 40 пайызын алдын алу скринингі деп айтуға болады. Осы шара барысыда біраз науқастарды тауып, изоляцияға жіберіп жатырмыз»,– деді министр брифинг барысында.

Бұл ретте Біртанов азаматтардан неліктен ауырмаса да оқшауландырып жатқаны жайлы көптеген сауал түсіп жатқанын айтып өтті. 

«Бұл - өте маңызды мәселе. Себебі – осындай симптомсыз аурулар инфекцияны басқа азаматтарға жұқтыруы ықтимал. Ол белгілі жағдай. Сондықтан бұл жерде алдын алу маңызды. Еш белгісз ауырып жүргшен азаматтарды тауып, оқшауландырсақ, эпидемияны тоқтатуға мүмкіндік бар», – деді министр. 

banner_wsj.gif

Әлем елдерінің парламентінде гендерлік теңдік сақтала ма?

Соңғы 25 жылда әйелдердің үлесі 2 есе өскен

Фото: Асқар Ахметуллин

Соңғы 25 жылда парламенттегі әйелдердің үлесі екі есе өскен. Халықаралық парламент одағының (Inter-Parliamentary Union) мәліметі бойынша, бүкіл әлемдегі сайланбалы заң шығарушы органдардағы орынның 25 пайызы әйелдерге тиесілі. 

1995 жылдары парламенттегі әйелдердің үлесі бойынша Скандинавия және басқа да дамыған мемлекеттер көшбасшы болып, бірінші орында Швеция тұрған. Қазіргі кезде парламенттегі әйелдер саны бойынша Шығыс Африкада орналасқан Руанда көш бастап тұр. 

Төменгі палатадағы депутаттық 80 орынның 49-ын әйелдер иеленген, соның ішінде 24 орын әу баста-ақ әйел адамдар үшін арнайы квота ретінде бөлінеді. Дүниежүзілік экономикалық форумның байламы бойынша, 2015 жылы Руанда Үкіметі әлемдегі ең нәтижелі биліктің ондығына енген.

Куба Республикасының бір палаталы парламентіндегі 605 депутаттың 322-і – әйелдер, бұл мемлекетте биліктегі әйелдердің үлесі өте жоғары. Одан кейінгі орында Боливия тұр, онда парламен төменгі палатасының 53,3 пайызын әйелдер құрайды. 2019 жылдан республиканы ел тарихындағы алғашқы әйел-президент Жанин Аньес басқарып келеді. 

Ал төртінші орында – Біріккен Араб әмірліктері. Бұл елде парламеттің қызметін ұлттық аймақтық кеңес атқарады, онда президент резолюциясы бойынша әйел адамдарға 50 пайыз квота бөлінген. БАӘ ұлттық кеңесі – заң шығарушы орган емес. Тек заңды талқылау мен оған өзгертулер мен толықтыру енгізуге құқылы. 

Ал Швеция қазір жетінші орынға түсіп кеткен. Ел парламентіндегі әйелдердің үлесін арттыру бағытында соңғы ширек ғасырда Оңтүстік және Солтүстік Америка елдері қарқынды дамыды. Бұл ретте Тынық мұхиты аймағындағы мемлекеттерде алға жылжу аз. Мәселен, Папуа-Жаңа Гвинея және Вануату сынды мемлекеттердің парламентінде әйел адамдар мүлдем жоқ. 

Ал ТМД елдері арасында парламенттегі әйелдер саны бойынша бірінші орында Беларусь келеді, ал әлем елдері арасында –22 орында. Бұл елде парламент төменгі палатасындағы әйел депутаттардың саны 40 пайызды құрайды.

aiel.png

Осы ретте әйелдердің сайлау процесіне қатысуы елдегі саяси еркіндіктің кепілі бола алмайтынын айта кеткен жөн. Айталық, Руанданың өзі Freedom House тұжырымы бойынша, еркіндік рейтингіндегі 100 балдың тек 22-сін жанап, еркіндік жоқ елдердің қатарына кірген. Ал Араб әмірліктеріндегі еркіндік деңгейі 17 баллға бағаланса, Куба Республикасында тіптен төмен – бар-жоғы 14 балл. 

Кейбіл елдерде парламенттегі әйелдер санының артуын арнайы квота енгізілуімен түсіндіруге болады. Парламентаралық кеңестің бас хатшысы Мартин Чунгонг  квота енгізілген елдерде әйелдер өз қабілеттерін барынша көрсете алатынын атап өткен.

Әйелдердің сайлау процесіне қатысуына кепіл берілуі көптеген елдерде өз нәтижесін беріп келеді. Биліктің сайланбалы органдарында әйелдер үшін арнайы квота бөлу тәжірибесі әлемнің 104 елінде қолданылады. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg