Skip to main content

Шелектеп жауған жауынның кесірінен Алматы қаласын су басты

Су тасқынын жою үшін 152 техника жұмылдырылды

Фото;ТЖ комитеті

Алматы әкімдігінің телеграм арнасы хабарлағандай, 14-15 мамырында жауған нөсер жауыннан болған су тасқыны салдарын жою жұмысы қызу жүргізіліп жатыр. 

«Қазгидромет» РМК-ның мәліметі бойынша, түнде жауған жауын-шашынның мөлшері 27,6 мм-ге жетті.

Алматыдағы нөсерлі жауын кезінде су басудың алдын алу және жою мақсатында 14-15 мамыр аралығында мердігерлік ұйымдар мен аудандық әкімдік қызметкерлерінің тәулік бойғы кезекшілігі ұйымдастырылды. Жауын-шашын түспей тұрып, су басу қаупі бар проблемалық учаскелерге техника қойылды. 

Өткен түнде 21 су басу жағдайы тіркелді. Оның ішінде жеке аула аумақтары – 17, көше – 2 және көппәтерлі тұрғын үйдің 1 жертөлесін, оның ішінде Алатау ауданында 6 су басу, Алмалы ауданында – 2, Әуезов ауданында – 4, Жетісу ауданында – 7, Наурызбай және Түрксіб аудандарында бір-бірден су басу фактісі тіркелді. Барлық су басу салдары жедел жойылды.

21 жағдайдың 75%-ы арық желісінің төмен өтуі, қалған жағдайлар арықтардың қатты тұрмыстық қоқыспен бітелуі салдарынан болған. Су басу кезінде 840 текше метр су сорылып, 260 қап төселді.

15 мамыр күні арық желілері мен жол астындағы өткелдерді тазалау жұмыстарын ұйымдастыруға 651 адам, 152 бірлік арнайы техника және 24 бірлік мотопомпа жұмылдырылды.
 

banner_wsj.gif

Қазақстанда бірыңғай тұрғын үй операторы құрылады

Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ бір компанияға бірктіріледі

Фото: shutterstock.com

Бүгін Сенат депутаттары палатаның пленарлық отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасын қарады. Парламент аталмыш заң жобасын қабылдап, құжат мемлекет басшысы қол қоюына жолданды.

Заң жобасы Президент Қасым-Жомарт Тоқаевтың халыққа Жолдауындағы тұрғын үй бағдарламалары операторларының санын қысқарту туралы тапсырмасына сәйкес әзірленген.

Заң жобасы бойынша баяндама жасаған сенат депутаты Әлімжан  Сейітжанұлының айтуынша, заң жобасы бір-бірінің қызметін қайталайтын «Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ секілді тұрғын үй бағдарламаларының операторларын Тұрғын үй құрылысының бірыңғай операторы етіп біріктіріп, жалпы әкімшілік шығыстарын қысқартуға бағытталған.

«2000 жылдан жұмыс істеп келген «Қазақстан ипотекалық компаниясы» АҚ-ның негізгі міндеті - ипотекалық облигацияларды шығару арқылы екінші деңгейдегі банктерді қайта қаржыландыру», - деді сенатор Әлімжан Құртаев.

Ал 2008 жылы құрылыс саласы үшін қаржы ресурстарының қолжетімділігін қамтамасыз ету мақсатында «Бәйтерек девелопмент» АҚ құрылған. Қазіргі кезде «Бәйтерек девелопмент» АҚ-ның негізгі қызметі револьверлік қаржыландыру қағидаты бойынша жергілікті атқарушы органдардың облигацияларын сатып алу тетігі арқылы «Нұрлы жер»  мемлекеттік бағдарламасы аясында жалға берілетін және кредиттік тұрғын үй құрылысын қаржыландыруға бағытталған.

Енді 2016 жылы тұрғын үй құрылысындағы үлестік салымдардың сақталуын қамтамасыз ету мақсатында «Тұрғын үй құрылысына кепілдік беру қоры» АҚ құрылған. Тұрғын үй құрылысын аяқтауға кепілдікмен айналысатын қор 2017-2019 жылдары 154,7 млрд теңге көлемінде кепілдік мндеттеме берген.

«Тұрғын үй бағдарламасының үш оператын біріктіру әкімшілік шығындарды 5 млрд теңгеден 8,7 млрд теңгеге немесе 42 пайызға, сондай-ақ қызметкерлердің санын 311-ден 213 адамға қысқартатын болады», - деді сенатор.

 
Сонымен қатар бұл заң жобасы тұрғын үй саласындағы бірыңғай оператор қызметін реттейді. Яғни бірыңғай оператордың ипотекалық қарыз беру; көппәтерлі тұрғын үйлердегі үлесті сатып алуға арналған қарыздарды  кепілдендіру; инвестициялық жобаларды қаржыландыру және іске асыру жөніндегі қызметі реттеледі.

Заңның қабылдануы халықты сапалы және жайлы тұрғын үймен қамтамасыз етуді арттыруға бағытталған мемлекеттік шараларды одан әрі іске асыруға, оның ішінде құрылыс саласына қолдау көрсетуге, тұрғын үй нарығындағы мен ипотекалық кредиттеудегі сұраныс пен ұсыныстың теңгерімді өсуі үшін жағдай жасау арқылы қамтамасыз етуге мүмкіндік береді. 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png