Марокко шегірткелері Қазақстанның жерін бүлдіріп жатыр

Қазақстанда шегіртке таралуының жаңа ошақтары анықталды

Фото;Казагро

ҚР Президенті жанындағы ОКҚ-да өткен брифингте Ауыл шаруашылығы министрлігінің өкілі Қазақстандағы шегірткелердің таралуына қарсы жүргізіліп жатқан жұмыстар жайында ақпарат берді.

Бүгінгі таңда навигаторлар, GPS трекерлері мен планшеттерін қолданатын арнайы қызметтер 3 млн гектарға жуық жерді зерттеп, Жамбыл және Түркістан облыстарында 150 мың гектар жердегі марокко шегірткелерін тапты. Қазіргі уақытта бұл аймақтарда химиялық өңдеу жұмыстары аяқталуға жақын.

Италиялық прус шегірткелері Алматы, Жамбыл, Қарағанды және Павлодар облыстарының 93 мың гектар жерін жайлаған. Қазір аталған алқаптарды қорғау шаралары басталды.

Спикер Республикалық фитосанитарлық диагностика және болжамдау орталығының мәліметіне сүйене отырып, осы жылы елімізде 800 мың гектар жерге шегірткелердің таралу қаупі бар екенін атап өтті.

 Шегірткемен күресуге 1,5 млрд-тан астам қаржы бөлінді. Бұл қаражатқа химиялық өңдеу мен пестицидтер сатып алынды.

Жұмыс нәтижелі болу үшін түрлі препараттар алынды. Емдеуге 148 арнайы бүріккіш құрал-жабдықтар, оның ішінде 20 ұшақ және ультрадыбыстық ұшақтар тартылды. Өңірлерде облыс әкімдіктерімен бірлесіп жедел штабтар құрылды, бақылау және химиялық өңдеу бойынша жұмыс жоспарлары бекітілді.

«Жалпы алғанда, шегіртке ошақтарын анықтау үшін 38 млн. гектардан астам жерге зерттеу жұмыстары жүргізілді. Алдағы уақытта көрші елдер сарапшыларының қатысуымен бірлескен жұмыстар атқарамыз. Қазақстан, Ресей, Қытай және Өзбекстанның ауыл шаруашылығы министрліктері арасында келісім бар», - деді Аламабек Марс.

 Африка континентінің  қазіргі уақытта шегірткелерден зардап шегіп отырғандығын атап өтті. Сондай-ақ, Ауғанстан, Пәкістан, Үндістан және басқа да Азия елдерінде зиянкес жәндіктердің саны көбейген.

Ғалымдар мен БҰҰ-ның Азық-түлік және ауылшаруашылық ұйымдарының өкілдері жағдайдың қауіпті екенін ескертеді.

banner_wsj.gif

Әлем елдерінің парламентінде гендерлік теңдік сақтала ма?

Соңғы 25 жылда әйелдердің үлесі 2 есе өскен

Фото: Асқар Ахметуллин

Соңғы 25 жылда парламенттегі әйелдердің үлесі екі есе өскен. Халықаралық парламент одағының (Inter-Parliamentary Union) мәліметі бойынша, бүкіл әлемдегі сайланбалы заң шығарушы органдардағы орынның 25 пайызы әйелдерге тиесілі. 

1995 жылдары парламенттегі әйелдердің үлесі бойынша Скандинавия және басқа да дамыған мемлекеттер көшбасшы болып, бірінші орында Швеция тұрған. Қазіргі кезде парламенттегі әйелдер саны бойынша Шығыс Африкада орналасқан Руанда көш бастап тұр. 

Төменгі палатадағы депутаттық 80 орынның 49-ын әйелдер иеленген, соның ішінде 24 орын әу баста-ақ әйел адамдар үшін арнайы квота ретінде бөлінеді. Дүниежүзілік экономикалық форумның байламы бойынша, 2015 жылы Руанда Үкіметі әлемдегі ең нәтижелі биліктің ондығына енген.

Куба Республикасының бір палаталы парламентіндегі 605 депутаттың 322-і – әйелдер, бұл мемлекетте биліктегі әйелдердің үлесі өте жоғары. Одан кейінгі орында Боливия тұр, онда парламен төменгі палатасының 53,3 пайызын әйелдер құрайды. 2019 жылдан республиканы ел тарихындағы алғашқы әйел-президент Жанин Аньес басқарып келеді. 

Ал төртінші орында – Біріккен Араб әмірліктері. Бұл елде парламеттің қызметін ұлттық аймақтық кеңес атқарады, онда президент резолюциясы бойынша әйел адамдарға 50 пайыз квота бөлінген. БАӘ ұлттық кеңесі – заң шығарушы орган емес. Тек заңды талқылау мен оған өзгертулер мен толықтыру енгізуге құқылы. 

Ал Швеция қазір жетінші орынға түсіп кеткен. Ел парламентіндегі әйелдердің үлесін арттыру бағытында соңғы ширек ғасырда Оңтүстік және Солтүстік Америка елдері қарқынды дамыды. Бұл ретте Тынық мұхиты аймағындағы мемлекеттерде алға жылжу аз. Мәселен, Папуа-Жаңа Гвинея және Вануату сынды мемлекеттердің парламентінде әйел адамдар мүлдем жоқ. 

Ал ТМД елдері арасында парламенттегі әйелдер саны бойынша бірінші орында Беларусь келеді, ал әлем елдері арасында –22 орында. Бұл елде парламент төменгі палатасындағы әйел депутаттардың саны 40 пайызды құрайды.

aiel.png

Осы ретте әйелдердің сайлау процесіне қатысуы елдегі саяси еркіндіктің кепілі бола алмайтынын айта кеткен жөн. Айталық, Руанданың өзі Freedom House тұжырымы бойынша, еркіндік рейтингіндегі 100 балдың тек 22-сін жанап, еркіндік жоқ елдердің қатарына кірген. Ал Араб әмірліктеріндегі еркіндік деңгейі 17 баллға бағаланса, Куба Республикасында тіптен төмен – бар-жоғы 14 балл. 

Кейбіл елдерде парламенттегі әйелдер санының артуын арнайы квота енгізілуімен түсіндіруге болады. Парламентаралық кеңестің бас хатшысы Мартин Чунгонг  квота енгізілген елдерде әйелдер өз қабілеттерін барынша көрсете алатынын атап өткен.

Әйелдердің сайлау процесіне қатысуына кепіл берілуі көптеген елдерде өз нәтижесін беріп келеді. Биліктің сайланбалы органдарында әйелдер үшін арнайы квота бөлу тәжірибесі әлемнің 104 елінде қолданылады. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg