Skip to main content

Алматыда көлік ағыны 20 пайызға артты

Карантин режимін бұзған 2294 адам жауапкершілікке тартылды

Фото:Shutterstock

Қаладағы жаяу патруль қызметкерлері карантин шараларын сақтау бойынша қоғамдық көліктерде түсіндіру жұмыстарын жүргізуде. Бұл туралы қала әкімдігінде өткен онлайн брифинг кезінде Алматы қаласы Полиция департаментінің басшысы Қанат Таймерденов айтты,-деп хабарлайды әкімдіктің телеграм арнасы.

Қала көлемінде қоғамдық тәртіпті қорғау үшін жаяу патрульдеуге күнделікті 2 мыңнан астам полиция қызметкерлері мен Ұлттық ұланның әскери қызметшілері жұмылдырылған. 

 «Коронавирус инфекциясын таратпау мақсатында полиция қызметкерлері СЭС қызметкерімен және қала әкімдігінің өкілдерімен бірлесіп қоғамдық көлікте рейдтік іс-шаралар өткізуде. Жұмыс барысында олар жүргізушілер мен жолаушыларға карантиндік режимді сақтау, бетперде кию және әлеуметтік қашықтықты сақтау жайлы түсіндіру жұмыстарын жүргізеді», – деді департамент басшысы. 

Спикердің айтуынша бүгінгі күні қаланың периметрі бойынша жұмыс жасап тұрған 27 бақылау-өткізу бекеттеріндегі жағдай тұрақты. Олардың жұмысына Полиция департаментінің жеке құрамынан 700 жуық адам жұмылдырылған. Карантиндік режимнің жұмсартылуынан соңғы күндері осы блок-бекеттерде кептеліс орын алуда, өйткені көлік ағыны 20 пайызға артқан. 

 «Бұл жағдай ең алдымен карантин режимін босаңсытуға байланысты болып отыр. Кейбір азаматтар оны карантиннің тоқтатылуымен шатастыруда, сондықтан олар қалаға кіруге не керісінше қаладан шығуға тырысуда. Карантиннің тоқтатылмағандығы туралы тағы да ескертіп өтеміз. Ал блок-бекеттерден тек Жедел Штаб деректерінің арнайы тізіміне енгізілген азаматтар ғана өте алады», – деп нақтылап өтті Қ.Таймерденов. 

Жүк көлігін қоспағанда, блок-бекеттерде әр көлік құралын тексеруге белгілі бір уақыт кетеді. Сондықтан департамент басшысы азаматтарды өз үйлерінен негізсіз шықпауға шақырды. Өйткені, бұл шаралардың барлығы азаматтардың денсаулығы мен өмірінің қауіпсіздігіне бағытталған. 

Брифинг кезінде Төтенше жағдай режимін бұзғаны үшін 2294 адамның әкімшілік жауапкершілікке тартылғандығы белгілі болды. Оның ішінде 607 құқық бұзушы әкімшілік қамауға алынса, 1135 адамға қатысты айыппұл салынған, ал 552 тұлғаға ескерту жасалған. 

Ерекше айтып өтетіні, тәртіп бұзушы жүргізушілерді анықтау мақсатымен блок-бекеттерге полицияның қосымша жасақтары қойылды. Оған қоса «Сергек» бейнекамерасы да бар. Ол тәртіп бұзғандарды анықтауға және оларды жауапкершілікке тартуға мүмкіндік бермек.

banner_wsj.gif

Қазақстанда бірыңғай тұрғын үй операторы құрылады

Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ бір компанияға бірктіріледі

Фото: shutterstock.com

Бүгін Сенат депутаттары палатаның пленарлық отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасын қарады. Парламент аталмыш заң жобасын қабылдап, құжат мемлекет басшысы қол қоюына жолданды.

Заң жобасы Президент Қасым-Жомарт Тоқаевтың халыққа Жолдауындағы тұрғын үй бағдарламалары операторларының санын қысқарту туралы тапсырмасына сәйкес әзірленген.

Заң жобасы бойынша баяндама жасаған сенат депутаты Әлімжан  Сейітжанұлының айтуынша, заң жобасы бір-бірінің қызметін қайталайтын «Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ секілді тұрғын үй бағдарламаларының операторларын Тұрғын үй құрылысының бірыңғай операторы етіп біріктіріп, жалпы әкімшілік шығыстарын қысқартуға бағытталған.

«2000 жылдан жұмыс істеп келген «Қазақстан ипотекалық компаниясы» АҚ-ның негізгі міндеті - ипотекалық облигацияларды шығару арқылы екінші деңгейдегі банктерді қайта қаржыландыру», - деді сенатор Әлімжан Құртаев.

Ал 2008 жылы құрылыс саласы үшін қаржы ресурстарының қолжетімділігін қамтамасыз ету мақсатында «Бәйтерек девелопмент» АҚ құрылған. Қазіргі кезде «Бәйтерек девелопмент» АҚ-ның негізгі қызметі револьверлік қаржыландыру қағидаты бойынша жергілікті атқарушы органдардың облигацияларын сатып алу тетігі арқылы «Нұрлы жер»  мемлекеттік бағдарламасы аясында жалға берілетін және кредиттік тұрғын үй құрылысын қаржыландыруға бағытталған.

Енді 2016 жылы тұрғын үй құрылысындағы үлестік салымдардың сақталуын қамтамасыз ету мақсатында «Тұрғын үй құрылысына кепілдік беру қоры» АҚ құрылған. Тұрғын үй құрылысын аяқтауға кепілдікмен айналысатын қор 2017-2019 жылдары 154,7 млрд теңге көлемінде кепілдік мндеттеме берген.

«Тұрғын үй бағдарламасының үш оператын біріктіру әкімшілік шығындарды 5 млрд теңгеден 8,7 млрд теңгеге немесе 42 пайызға, сондай-ақ қызметкерлердің санын 311-ден 213 адамға қысқартатын болады», - деді сенатор.

 
Сонымен қатар бұл заң жобасы тұрғын үй саласындағы бірыңғай оператор қызметін реттейді. Яғни бірыңғай оператордың ипотекалық қарыз беру; көппәтерлі тұрғын үйлердегі үлесті сатып алуға арналған қарыздарды  кепілдендіру; инвестициялық жобаларды қаржыландыру және іске асыру жөніндегі қызметі реттеледі.

Заңның қабылдануы халықты сапалы және жайлы тұрғын үймен қамтамасыз етуді арттыруға бағытталған мемлекеттік шараларды одан әрі іске асыруға, оның ішінде құрылыс саласына қолдау көрсетуге, тұрғын үй нарығындағы мен ипотекалық кредиттеудегі сұраныс пен ұсыныстың теңгерімді өсуі үшін жағдай жасау арқылы қамтамасыз етуге мүмкіндік береді. 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png