Skip to main content

Алматыда 12 мың қызметкерді қоғамдық жұмысқа қабылдамақ

Олар үшін әкімдік шешімімен 63 750 тг жалақы белгіленген

Фото: Shutterstock

Қалалық әкімдіктің баспасөз орталығында Алматы қаласы Әлеуметтік әл-ауқат басқармасы басшысының орынбасары Данияр Әлкебайұлы және қалалық Жұмыспен қамту орталығының директоры Диляра Иманқұлованың қатысуымен онлайн брифинг өтті. Жиында мегаполисте 2290 адамның қоғамдық жұмыстарға қатысуға ниет білдіргені мәлім болды. Бұл туралы Алматы қаласы әкімдігінің баспасөз қызметі хабарлады.

Карантин алынған сәттен бастап қала тұрғындарын жұмыспен қамтамасыз ету мәселесі өзекті болмақ. Спикерлердің айтуынша, Алматыда халықты жұмыспен қамту және жаппай кәсіпкерлікті дамытуды көздейтін «Еңбек» арнайы мемлекеттік бағдарламасы жүзеге асырылуда. Бұл бағдарлама халықтың барлық топтарын жұмысқа орналастыру пайызын арттыруға бағытталған.

«Ең алдымен, әңгіме тұрақты және уақытша жұмыс орындарына жұмысқа орналасу, сондай-ақ бизнес идеяларды, микронесиелерді қолдау үшін мемлекеттік гранттар бөлу, кәсіптік оқыту курстарында оқыту туралы болып отыр», - деп атап өтті Диляра Иманқұлова.

Бұл тұрғыда Алматыда жұмыс орындарының қажетті қоры бар. Нұр-Сұлтан мен Алматы қалалары бос жұмыс орындар саны бойынша көшбастап келеді.

Бүгінде слесарь, дәнекерлеуші, темір-бетон құрылымдарын құрастырушы, электрик, жүргізуші, жүк тиеуші, аула сыпырушы, газбен дәнекерлеуші сияқты жұмысшылар кәсіптері аса сұранысқа ие. Сондай-ақ қызмет көрсету саласының қызметкерлері мен медицина қызметкерлері де қажет.

Жұмыспен қамту орталығының директоры Диляра Иманқұлованың айтуынша, «Еңбек» бағдарламасы аясында уақытша жұмыс орындарында қызмет ететін жұмыссыздарды қолдау жүзеге асырылуда екен.

Алматыда қоғамдық жұмыстарға қатысушыларға жалақы төленеді. Ұйымдардың тізбесін, жұмыс түрлерін, қатысушылардың санын және төлем мөлшерін Әлеуметтік әл-ауқат басқармасы бекітеді. Басқарма басшысының бұйрығымен осы санаттағы қызметкерлер үшін 85 мың тг көлемінде жалақы бекітілді. Бүгінгі таңда қалада осындай қызметкерлер саны 2290 адам. Жоспарлы көрсеткіштерді түзетуге сәйкес Алматыда қосымша 12 мың қызметкерді қоғамдық жұмысқа қабылдау жоспарланып отыр.

«Біз жұмыс істеуге ниет білдіргендердің барлығын жіберуге дайынбыз. Бұл тек көшелерді, саябақтарды, скверлерді тазалау ғана емес, сонымен қатар қарт адамдарға, мүгедектерге көмек көрсету сияқты жұмыстар», - деді спикер. 

Жұмыспен қамтылмаған тұрғындар мен жұмыс берушілер арасында әлеуметтік жұмыс орындары басымдыққа ие. Жыл басынан бері әлеуметтік жұмыс орындарында 695 адам жұмыс істейді. 

Бұл ретте мемлекет ең төменгі жалақыны (42 500 тг) субсидиялайды. Ал жұмыс беруші өз тарапынан қосымша ақы белгілейді. Кейде оның мөлшері 70-90 мың тг құрайды. 

Мемлекет үкіметтік емес ұйымдарда жұмыс істейтін мүгедектерге ерекше қамқорлық көрсетеді. Олар үшін әкімдік шешімімен 63 750 тг жалақы белгіленген. Қазіргі уақытта әлеуметтік жұмыс орындарында 695 адам жұмыс істейді, оның ішінде 456-сы мүгедектер.
 

banner_wsj.gif

Қазақстанда бірыңғай тұрғын үй операторы құрылады

Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ бір компанияға бірктіріледі

Фото: shutterstock.com

Бүгін Сенат депутаттары палатаның пленарлық отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасын қарады. Парламент аталмыш заң жобасын қабылдап, құжат мемлекет басшысы қол қоюына жолданды.

Заң жобасы Президент Қасым-Жомарт Тоқаевтың халыққа Жолдауындағы тұрғын үй бағдарламалары операторларының санын қысқарту туралы тапсырмасына сәйкес әзірленген.

Заң жобасы бойынша баяндама жасаған сенат депутаты Әлімжан  Сейітжанұлының айтуынша, заң жобасы бір-бірінің қызметін қайталайтын «Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ секілді тұрғын үй бағдарламаларының операторларын Тұрғын үй құрылысының бірыңғай операторы етіп біріктіріп, жалпы әкімшілік шығыстарын қысқартуға бағытталған.

«2000 жылдан жұмыс істеп келген «Қазақстан ипотекалық компаниясы» АҚ-ның негізгі міндеті - ипотекалық облигацияларды шығару арқылы екінші деңгейдегі банктерді қайта қаржыландыру», - деді сенатор Әлімжан Құртаев.

Ал 2008 жылы құрылыс саласы үшін қаржы ресурстарының қолжетімділігін қамтамасыз ету мақсатында «Бәйтерек девелопмент» АҚ құрылған. Қазіргі кезде «Бәйтерек девелопмент» АҚ-ның негізгі қызметі револьверлік қаржыландыру қағидаты бойынша жергілікті атқарушы органдардың облигацияларын сатып алу тетігі арқылы «Нұрлы жер»  мемлекеттік бағдарламасы аясында жалға берілетін және кредиттік тұрғын үй құрылысын қаржыландыруға бағытталған.

Енді 2016 жылы тұрғын үй құрылысындағы үлестік салымдардың сақталуын қамтамасыз ету мақсатында «Тұрғын үй құрылысына кепілдік беру қоры» АҚ құрылған. Тұрғын үй құрылысын аяқтауға кепілдікмен айналысатын қор 2017-2019 жылдары 154,7 млрд теңге көлемінде кепілдік мндеттеме берген.

«Тұрғын үй бағдарламасының үш оператын біріктіру әкімшілік шығындарды 5 млрд теңгеден 8,7 млрд теңгеге немесе 42 пайызға, сондай-ақ қызметкерлердің санын 311-ден 213 адамға қысқартатын болады», - деді сенатор.

 
Сонымен қатар бұл заң жобасы тұрғын үй саласындағы бірыңғай оператор қызметін реттейді. Яғни бірыңғай оператордың ипотекалық қарыз беру; көппәтерлі тұрғын үйлердегі үлесті сатып алуға арналған қарыздарды  кепілдендіру; инвестициялық жобаларды қаржыландыру және іске асыру жөніндегі қызметі реттеледі.

Заңның қабылдануы халықты сапалы және жайлы тұрғын үймен қамтамасыз етуді арттыруға бағытталған мемлекеттік шараларды одан әрі іске асыруға, оның ішінде құрылыс саласына қолдау көрсетуге, тұрғын үй нарығындағы мен ипотекалық кредиттеудегі сұраныс пен ұсыныстың теңгерімді өсуі үшін жағдай жасау арқылы қамтамасыз етуге мүмкіндік береді. 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png