42 500 теңге ала алмаған қазақстандықтардың өтініштері қайта қаралады

42 500 теңге ала алмаған қазақстандықтардың өтініштері қайта қарау тәртібі бекітілді. Бұл туралы ҚР Еңбек және халықты әлеуметтік қорғау министрлігі хабарлады. 

Өтініш беріледі: 

Жұмыс беруші тарапынан – ШОБ, ірі кәсіпкерлік (карантин енгізілген өңірлерде), коммерциялық емес заңды тұлғалар үшін. 

Өз бетінше –  жеке кәсіпкерлер, жеке практикамен айналысатын адамдар, БЖТ төлеушілер, азаматтық-құқықтық сипаттағы шарттар бойынша жұмыс істейтін адамдар.

Растайтын құжаттар тізбегі: 

Қызметкерлер үшін:

жалақысы сақталмайтын демалысқа жіберу туралы бұйрықтар

жұмыс берушінің ТЖ кезеңінде кірісін жоғалту фактісін растайтын құжаттар 

мемлекеттік кірістер органдары қабылдаған декларация (МКК-мен салыстыру үшін, 200-нысан).

ЖК және жеке практикамен айналысатын адамдар үшін:

мемлекеттік кірістер органдары қабылдаған декларация

табыстың жоғалту фактісін растайтын құжаттар 

АҚС шарттар бойынша жұмыс істейтін адамдар үшін:

заңды тұлғамен жасалған жұмыстарды орындауға (қызмет көрсетуге) арналған АҚС шарты. 

Ұсынылған құжаттарды қарағаннан кейін аудандық (қалалық) штаб «42 500 теңге» әлеуметтік төлемін тағайындауға құқығы бар/жоғы туралы қорытынды шығарады.

Өтініштер 2020 жылғы 1 желтоқсанға дейін қаралатын болады.