Студенттер PLA пластиктен маска жасап шықты

Оларды 3D принтерде дайындап шығарды

Фото: Shutterstock

АЭжБУ профессорларының жетекшілігімен ҒТТ (Ғарыштық техника және технологиялар) мамандығының студенттері Solidworks бағдарламалық қамтамасыз ету негізінде медициналық маскаларға арналған арнайы құрылғылар мен PLA пластиктен жасалған бастапқы қорғанудың мөлдір маскаларын жасап, оларды 3D принтерде дайындап шығарды. Бұл туралы Алматы энергетика және байланыс университетінің баспасөз қызметі хабарлады. 

 

Осылайша, Ғұмарбек Дәукеев атындағы Алматы энергетика және байланыс университетінің еріктілері Әлемдік пандемияның барлық кезеңінде коронавируспен күрестің алдыңғы шептерінде тұрған адамдарға көмек көрсетуден тыс қалмады.



Бұл екінші акция. 15 сәуір күні АЭжБУ студенттері өз ғылыми зерттеулерінің аясында дайындалған, стартап жобасының негізінде алынған маска ұстағыштардың бірінші партиясын ҚР Фтизиопульмонология Ұлттық ғылыми орталығына қайтарымсыз тапсырған болатын.

 

100-ден астам медициналық маскалар мен 25 алғашқы қорғанудың мөлдір маскалары берілді.

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg