Skip to main content

ҚР Денсаулық сақтау министрі дәрігерлерге үндеу жасады

Ол ең қиын күндердің басталғанын айтты

Фото: kursiv.kz

ҚР Денсаулық сақтау министрі Елжан Біртанов өзінің Facebook парақшасында барлық дәрігерлерге, медбикелерге және медициналық ұйымдарының басшыларына үндеу жасады.


Министрдің айтуынша, медицина қызметкерлері қаңтардан бастап демалыссыз жұмыс істеген. 


«Көбіңіздің қалжырап шаршағандарыңызды, эмоционалдық тұрғыда әбден қиналғандарыңызды түсінемін. Көбіңіз үйге барып, балаларыңызды құшақтай алмай отырсыздар. Үрейленіп те жүрсіздер. Араларыңызда жұқтырып алғандар да бар. Соған қарамастан адамдарды құтқару үшін таңертең тұрып, жұмысқа барасыздар. Ақша немесе абырой үшін емес, жұмысыңыз сондай болғаннан кейін адамдардың өміріне араша түсіп жүрсіздер. Мен сіздермен мақтанамын! Медицина саласының қызметкері сөзімен ғана емес ісімен де көмектесіп жүр. Қарттарға дәрі-дәрмек пен тамақ апарып, маска тігіп, керекті жүктер үшін ұшақ ақшасын төлеп, интернет арқылы концерт берген, тіпті жай үйінде карантинде отырған адамдарға алғыс айтамын», - деп жазды Елжан Біртанов facebook парақшасында.


Министр әлеуметтік желілер мен жаңалықтар легін «қоқыс» ақпараттармен, түсініксіз бағалармен, орынсыз болжамдармен және ойсыз кеңестермен толтырып тастағанын айтты.


«Қазір бүкіл ел ең күрделі кезеңге аяқ басты. Бізден шыдамдылық пен кәсіби әрекет қана талап етіледі. Бүгінгі күні біз жұмысқа ғана бар назарымызды аударуымыз керек. Кикілжің шығарып жататын уақыт емес. Эпидемияның беті қайтқаннан кейін мәселенің бәрін шешерміз. Ол үшін барымызды саламыз. Уақыт өтер – эпидемия кетер. Өздеріңізді сақтаңыздар»,- деп жазды министр. 
 

banner_wsj.gif

Қазақстанда бірыңғай тұрғын үй операторы құрылады

Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ бір компанияға бірктіріледі

Фото: shutterstock.com

Бүгін Сенат депутаттары палатаның пленарлық отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасын қарады. Парламент аталмыш заң жобасын қабылдап, құжат мемлекет басшысы қол қоюына жолданды.

Заң жобасы Президент Қасым-Жомарт Тоқаевтың халыққа Жолдауындағы тұрғын үй бағдарламалары операторларының санын қысқарту туралы тапсырмасына сәйкес әзірленген.

Заң жобасы бойынша баяндама жасаған сенат депутаты Әлімжан  Сейітжанұлының айтуынша, заң жобасы бір-бірінің қызметін қайталайтын «Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ секілді тұрғын үй бағдарламаларының операторларын Тұрғын үй құрылысының бірыңғай операторы етіп біріктіріп, жалпы әкімшілік шығыстарын қысқартуға бағытталған.

«2000 жылдан жұмыс істеп келген «Қазақстан ипотекалық компаниясы» АҚ-ның негізгі міндеті - ипотекалық облигацияларды шығару арқылы екінші деңгейдегі банктерді қайта қаржыландыру», - деді сенатор Әлімжан Құртаев.

Ал 2008 жылы құрылыс саласы үшін қаржы ресурстарының қолжетімділігін қамтамасыз ету мақсатында «Бәйтерек девелопмент» АҚ құрылған. Қазіргі кезде «Бәйтерек девелопмент» АҚ-ның негізгі қызметі револьверлік қаржыландыру қағидаты бойынша жергілікті атқарушы органдардың облигацияларын сатып алу тетігі арқылы «Нұрлы жер»  мемлекеттік бағдарламасы аясында жалға берілетін және кредиттік тұрғын үй құрылысын қаржыландыруға бағытталған.

Енді 2016 жылы тұрғын үй құрылысындағы үлестік салымдардың сақталуын қамтамасыз ету мақсатында «Тұрғын үй құрылысына кепілдік беру қоры» АҚ құрылған. Тұрғын үй құрылысын аяқтауға кепілдікмен айналысатын қор 2017-2019 жылдары 154,7 млрд теңге көлемінде кепілдік мндеттеме берген.

«Тұрғын үй бағдарламасының үш оператын біріктіру әкімшілік шығындарды 5 млрд теңгеден 8,7 млрд теңгеге немесе 42 пайызға, сондай-ақ қызметкерлердің санын 311-ден 213 адамға қысқартатын болады», - деді сенатор.

 
Сонымен қатар бұл заң жобасы тұрғын үй саласындағы бірыңғай оператор қызметін реттейді. Яғни бірыңғай оператордың ипотекалық қарыз беру; көппәтерлі тұрғын үйлердегі үлесті сатып алуға арналған қарыздарды  кепілдендіру; инвестициялық жобаларды қаржыландыру және іске асыру жөніндегі қызметі реттеледі.

Заңның қабылдануы халықты сапалы және жайлы тұрғын үймен қамтамасыз етуді арттыруға бағытталған мемлекеттік шараларды одан әрі іске асыруға, оның ішінде құрылыс саласына қолдау көрсетуге, тұрғын үй нарығындағы мен ипотекалық кредиттеудегі сұраныс пен ұсыныстың теңгерімді өсуі үшін жағдай жасау арқылы қамтамасыз етуге мүмкіндік береді. 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png