Skip to main content

Қазақстанда ардагерлерге ақшалай көмек көрсетіледі

Министр біржолғы ақшалай көмекті біркелкі мөлшерде бөлуді ұсынды

Фото: Аскар Ахметуллин

Бүгін Парламент Мәжілісінің жалпы отырысында депутаттар Екінші дүниежүзілік соғысының ардагерлеріне Жеңіс күні қарсаңында берілетін біржолғы ақшалай көмекті біркелкі мөлшерде бөлуді ұсынды. Бұл туралы Парламент Мәжілісінің жалпы отырысында ҚР Еңбек және халықты әлеуметтік қорғау министрі Біржан Нұрымбетов мәлімдеді.  


«Жергілікті атқарушы органдар жыл сайын Жеңіс күні қарсаңында Екінші дүниежүзілік соғыс ардагерлеріне, оларға теңістірілген адамдарға және тыл еңбеккерлеріне біржолғы ақшалай көмек көрсетеді. Ардагерлермен кездескен кезде әр аймақта төлемдер әртүрлі екенін айтқан еді. Себебі оның мөлшерін жергілікті органдар айқындайды. Биыл Жеңіс күніне орай берілетін төлемдер қандай мөлшерде болады? Біздің ойымызша, біркелкі мөлшерде бөлінуі керек», - деді депутат Балайым Кесебаева.

 
ҚР Еңбек және халықты әлеуметтік қорғау министрі Біржан Нұрымбетов ардагерлерге берілетін төлемдер Қазақстан бойынша біркелкі болғанын айтты.

 
«Осыған қатысты Үкіметтің басшылығымен тиісті ұсыныс әкімдіктерге берілген. Бұл жерде біз төменгі мөлшерін белгіледік. Екінші дүниежүзілік соғыстың қатысушыларына, мүгедектеріне ең төменгі сома 300 мың теңгеден кем емес»,- деді министр.


Сонымен қатар, министр егер мүмкіндіктері болса, кейбір облыстар одан да жоғары береміз десе өз еркі екенін атап өтті. 
 

banner_wsj.gif

Қазақстанда бірыңғай тұрғын үй операторы құрылады

Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ бір компанияға бірктіріледі

Фото: shutterstock.com

Бүгін Сенат депутаттары палатаның пленарлық отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасын қарады. Парламент аталмыш заң жобасын қабылдап, құжат мемлекет басшысы қол қоюына жолданды.

Заң жобасы Президент Қасым-Жомарт Тоқаевтың халыққа Жолдауындағы тұрғын үй бағдарламалары операторларының санын қысқарту туралы тапсырмасына сәйкес әзірленген.

Заң жобасы бойынша баяндама жасаған сенат депутаты Әлімжан  Сейітжанұлының айтуынша, заң жобасы бір-бірінің қызметін қайталайтын «Қазақстан ипотекалық компаниясы» АҚ, «Бәйтерек девелопмент» АҚ және «Тұрғын үй құрылысына кепілдік беру қоры» АҚ секілді тұрғын үй бағдарламаларының операторларын Тұрғын үй құрылысының бірыңғай операторы етіп біріктіріп, жалпы әкімшілік шығыстарын қысқартуға бағытталған.

«2000 жылдан жұмыс істеп келген «Қазақстан ипотекалық компаниясы» АҚ-ның негізгі міндеті - ипотекалық облигацияларды шығару арқылы екінші деңгейдегі банктерді қайта қаржыландыру», - деді сенатор Әлімжан Құртаев.

Ал 2008 жылы құрылыс саласы үшін қаржы ресурстарының қолжетімділігін қамтамасыз ету мақсатында «Бәйтерек девелопмент» АҚ құрылған. Қазіргі кезде «Бәйтерек девелопмент» АҚ-ның негізгі қызметі револьверлік қаржыландыру қағидаты бойынша жергілікті атқарушы органдардың облигацияларын сатып алу тетігі арқылы «Нұрлы жер»  мемлекеттік бағдарламасы аясында жалға берілетін және кредиттік тұрғын үй құрылысын қаржыландыруға бағытталған.

Енді 2016 жылы тұрғын үй құрылысындағы үлестік салымдардың сақталуын қамтамасыз ету мақсатында «Тұрғын үй құрылысына кепілдік беру қоры» АҚ құрылған. Тұрғын үй құрылысын аяқтауға кепілдікмен айналысатын қор 2017-2019 жылдары 154,7 млрд теңге көлемінде кепілдік мндеттеме берген.

«Тұрғын үй бағдарламасының үш оператын біріктіру әкімшілік шығындарды 5 млрд теңгеден 8,7 млрд теңгеге немесе 42 пайызға, сондай-ақ қызметкерлердің санын 311-ден 213 адамға қысқартатын болады», - деді сенатор.

 
Сонымен қатар бұл заң жобасы тұрғын үй саласындағы бірыңғай оператор қызметін реттейді. Яғни бірыңғай оператордың ипотекалық қарыз беру; көппәтерлі тұрғын үйлердегі үлесті сатып алуға арналған қарыздарды  кепілдендіру; инвестициялық жобаларды қаржыландыру және іске асыру жөніндегі қызметі реттеледі.

Заңның қабылдануы халықты сапалы және жайлы тұрғын үймен қамтамасыз етуді арттыруға бағытталған мемлекеттік шараларды одан әрі іске асыруға, оның ішінде құрылыс саласына қолдау көрсетуге, тұрғын үй нарығындағы мен ипотекалық кредиттеудегі сұраныс пен ұсыныстың теңгерімді өсуі үшін жағдай жасау арқылы қамтамасыз етуге мүмкіндік береді. 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png