Skip to main content

Б.Сағынтаев ҚХР мамандарымен онлайн режимде кездесу өткізді

Қытай дәрігерлері қаланың індетпен күресу деңгейіне жоғары баға берді

Фото: Kursiv.kz

ҚХР мамандары Алматы  қаласының COVID-19 қарсы күреске дайындығына  жоғары баға берді. Бұл туралы Алматы әкімдігінің телеграм каналында хабарлады.

Алматы қаласының әкімі Б.Сағынтаев ҚХР дәрігерлерінің делегациясымен онлайн режимде коронавирусқа қарсы күрес бойынша тәжірибе алмасу мәселелерін талқылады. 

ҚХР дәрігерлері қаланың медициналық мекемелеріндегі жағдаймен, коронавирустық инфекциямен ауыратын науқастарды емдеу және алдын алу әдістерімен танысты. Сондай-ақ ,медицина қызметкерлеріне арналған бірқатар оқыту тренингтерін өткізді. Қытай делегациясының құрамында пульмонология, жұқпалы аурулар, қарқынды терапия, эпидемиология, қоғамдық денсаулық сақтау саласындағы сарапшылар бар. 


Алматы әкімі Б. Сағынтаевпен әңгіме барысында қытай мамандары қаланың COVID-19 қарсы күреске дайындығының жоғары деңгейін, жаппай тестілеудің маңыздылығын, сондай-ақ азаматтардың коронавирус бойынша барлық әлеуетті байланыстары үшін карантиндік шаралардың маңыздылығын атап өтті. Сонымен қатар, қала тұрғындарының өзін-өзі оқшаулауы жақсы ұйымдастырылған амал екенін айта келіп, бұл инфекция ошағының ұлғайып, індеттің таралуына тосқауыл болудың бірден-бір жолы екенін атап өтті.

Кездесуде науқастарды жаппай тестілеу, профилактикалық, емдеу және оңалту әдістерінің тиімділігі талқыланды. Медицина қызметкерлерін дайындау мен тұрақты оқытуға ерекше көңіл бөлінді. Қала әкімі Бақытжан Сағынтаев КВИ-мен күресте көмек көрсетуге келген ҚХР мамандарына алғысын білдірді.

banner_wsj.gif

Соңғы бес жылда мемлекет қазынасынан 145,3 млрд теңге ұрланған

Сыбайлас жемқорлыққа қарсы қызмет соның 100 млрд теңгесін бюджетке қайтарған

Фото: kursiv.kz

Сыбайлас жемқорлыққа қарсы қызмет соңғы 5 жылда ұрланғаны анықталған 145,3 млрд теңгенің 100 миллиардың мемлекетке қайтартқызған. Бұл жөнінде ҚР Сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр Биғайдаров мәлімдеді.

Ол соңғы бес жылда мемлекетке келтірілген шығынның қайтарылуы жөніндегі статистиканы айтып өтті. 

"Егер 2015 жылы мемлекетке 5 млрд. теңге өтелсе, осы жылдың тек 5 айында ғана бұл сома 6 есеге артып,  28,2 млрд. теңгеге (анықталғаны – 30,9 млрд. теңге) жеткен. Ағымдағы жылдың 5 айындағы шығын көрсеткіші 2019 жылдың көрсеткішінен асып түскенін атап өткен жөн", - деді Биғайдаров.

Нақты жылдар бойынша алып қарастырсақ, келтірілген шығын мен өтелген қаржы көлемі мынандай:


- 2015 жылы 9,5 млрд шығын анықталып, 4,9 млрд өтелді;
- 2016 жылы 43,6 млрд анықталып, 9,3 млрд өтелді; 
- 2017 жылы 15,8 млрд анықталып, 13,9 млрд өтелді; 
- 2018 жылы 21 млрд анықталып, 18,6 млрд өтелді;
- 2019 жылы 24,5 млрд анықталып, 22,6 млрд өтелді; 
- а.ж. 5 айында 30,9 млрд анықталып, 28,2 млрд өтелді.

Тергеу барысында шығын тек бюджетке қолма қол қаражат жолымен ғана емес, сондай-ақ, құрылыс жұмыстарын орындау, тауарлар жеткізу, қызмет көрсету, жер телімдері мен пәтерлерді мемлекеттік қорға қайтару жолымен де өтеледі.

2019 жылдан бері сыбайлас жемқорлық қылмыстық істері бойынша тәркіленіп, сатылған мүліктің жалпы құны 1 млрд теңгеден асады. 

Сонымен қатар, Агенттіктің сыбайлас жемқорлық қылмыстық істері бойынша тәркіленіп, сатылған мүлікке және қылмыстық жолмен алынған қаражатқа сатып алынған мүліктерге (Сыбайлас жемқорлыққа қарсы қызмет істер бойынша) тұрақты түрде мониторинг жүргізеді

Сондай-ақ, қабылданған алдын алу шараларының арқасында  22,3 млрд теңге бюджет қаражаты үнемделген. 

Мәселен, Түркістан облысында Кентау қаласының Тұрғын үй шаруашылығы және тұрғын үй инспекциясы бөлімінің келісімшарт сомасын 32 млн теңгеден 135 млн теңгеге дейін заңсыз өсіруіне тоқауыл қойылды. 

ТЖ режимін ескере отырып, адамдар жаппай шоғырланатын шараларды (Жамбыл облысындағы мерекелік дастархан, БҚО Бөрлі ауданындағы күрестен республикалық турнир), сатып алуды тоқтату бойынша ұсыныстар енгізіліп, бөлінген қаражат бюджетке қайтарылған.

2016 жылдан бері 2000-нан аса адамға сыбайлас жемқорлық қылмысы үшін сот үкімімен  жалпы сомасы 17 млрд теңге айыппұл салынса, соның 10 млрд теңгеге жуығы бюджетке төленді. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png