Павлодарда медициналық бетперде тапшы

Жергілікті компания сұранысты өтеу үшін оларды қолмен тігуге кірісті

Фото: Ольга Бугаева

Ақпанның басында Павлодар облысындағы 300-ден аса дәріханада барлығы 200 мың медициналық бетперде болса, бүгінгі күні олардың саны күрт азайды. Фармацевтердің айтуынша, тұрғындар тұмау өршіп, коронавируспен сырқаттанғандар қатары көбейгенінен қауіптеніп, бетпердені алдын ала сатып алуға көшкен. 

Шикізатпен бөлісуге әзір

Бұған дейін алматылық фабрикалар облыс орталығындағы дәріханалардың басым бөлігін медициналық бетпердемен қамтамасыз ететін. Алайда, мұнда шикізат қоры таусылып, Павлодарға өнімдерді жеткізу ісі тоқтатылды. Осыны назарға алған жергілікті «Мерусар и К» фабрикасы оны қолмен тігуге кірісті. 

«Біз бұған дейін бетпердені Курчатов қаласында арнайы құралдар көмегімен дайындайтынбыз. Бірақ өткен жылдың соңында негізгі қондырғы істен шықты. Оған қажет бөлшек коронавирусқа байланысты Қытайдан әлі жетер емес. Тұрғындардың бетпердеге деген сұранысы жоғары екенін ескеріп, Павлодардағы медициналық киім тігетін фабрикада маскалар шығаруды қолға алуды жөн деп шештік», – дейді компания басшысы Марат Маханов.

Бірнеше күн бұрын ғана бетперде тігу ісін қолға алған «Мерусар и К» ЖШС тәулігіне 5 мың данасын дайындап, жергілікті емдеу мекемелеріне жөнелтуде. Бір тігінші күніне шамамен 500-1000 маска тігеді. 

«Егер басқа жұмысты ысырып қойып, тек бетпердеге ден қойсам, күніне 800-1000 данасын тігемін. Біреуіне шамамен 2-3 минут уақыт кетеді»,–дейді тігінші Марина Пожидаева. 

Компания директоры шикізат қорының мол екенін айтып, өзге тігін цехтарымен бөлісуге әзір екенін білдірді. 
«Тұмау өршіп, көрші мемлекеттерде коронавирус сырқаты дендеп тұрғандықтан, тұрғындар медициналық бетпердені жаппай сатып алуда. Бірақ біз олардың барлығын бірдей қамти алмаймыз. Сондықтан, әріптестерімізді де маска тігуге шақырамын. Қажетті шикізатты беруге дайынбыз», – дейді Марат Маханов. 

Сақтықта қорлық жоқ

Облыстық денсаулық сақтау басқармасы да аурудың алдын алудың қамына кірісті. Павлодар қаласындағы туберкулезге қарсы диспансердің 5 қабатты ғимараты короновирусқа шалдыққандарды қабылдауға әзір. Дәрігерлер 150 орындық ауруханада инфекцияны жұқтырғандар және олармен байланыста болған адамдардан сараптамалар алуға сақадай сай. Олардың қатарында арнайы курста біліктілігін арттырған ақ халаттылар да бар. 

Әзірше облыс аумағында бұл ауруға шалдығу қаупі бар адамдар тіркелген жоқ. Осы уақытқа дейін дене қызуы жоғары және жөтелі бар 9 адам инфекциялық стационарға орналастырып, тиісті талдамалар алынды. Қорытындысы бұл ЖРВИ белгілері екенін көрсеткендіктен, барлығы үйлеріне қайтарылған. Ал коронавирус тіркелген елдерден жақында оралған 300-ге жуық адам емхананың жіті бақылауында. 

«Бүгінгі күні бірінші санат бойынша Гонконг, Макао, Тайвань, Оңтүстік Корея, Жапония және Италиядан келген 4 адам, екінші санат бойынша Сингапур, Тайланд, Әзірбайжаннан оралған 114 тұрғын және үшінші санат бойынша Германия, АҚШ, БАӘ, Ұлыбритания, Франция, Бахрейн, Кувейт, Испания мен Малайзиядан келген 130 адам бақылауға алынды. Дәрігерлер 24 күн бойы олардың жағдайын назарда ұстайды», – деп хабарлады облыстық денсаулық сақтау басқармасының баспасөз қызметі. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg