Skip to main content

Павлодарда 112 адам карантинге алынды

Олардың арасында коронавирус инфекциясын жұқтырғандар анықталмаған

Фото: Өңірлік коммуникациялар қызметінен

Бұл туралы Павлодар облысы әкімінің орынбасары Асхат Оралов өңірлік коммуникациялар қызметінде өткен брифинг барысында мәлімдеді. 

"Қазіргі таңда 12 павлодарлық стационарлық бақылауға алынды. Тағы 25 адам үй жағдайындағы карантинде болса, 75 тұрғынның жағдайын дәрігерлер телефон арқылы тұрақты түрде бақылайды", - деді Асхат Оралов. 

Өңірде 544 медициналық қызметкер короновирус инфекциясын анықтау және емдеуге қатысты оқудан өткен. Сонымен қатар, облыс орталығында 150 орындық аурухана сыртқа шалдығу белгілері бар адамдарды қабылдауға қазір. 

Сонымен қатар, Асхат Оралов елімізде төтенше жағдай жарияланған тұста Павлодар облысында тиісті шаралар шұғыл түрде қолға алынғанын атап өтті. Мектеп оқушылары демалысқа ерте шығып, студенттер қашықтықтан оқуға көшкенмен, аймақтағы 394 мектепке дейінгі білім беру мекемесі штаттық тәртіпте жұмыс істеуде. 

«Ата-аналарға өтініш жазып, балаларын үйде қалдыруға рұқсат. Бұл аралықта балабақшадағы орны сақталады әрі ақы алынбайды», - деді Асхат Оралов.

Сонымен қатар, брифинг барысында осы аптада Павлодар облысына 20 мың дана медициналық бетперде әкелетіні айтылды. Алдымен олар емдеу мекемелеріне таратылады
 

banner_wsj.gif

Түркияда қалып қойған қазақстандықтарды Павлодарға әкелді

Олардың барлығын бірден карантинге жапты.

Фото: Shutterstock

Бүгін сағат 9:55-те Павлодар әуежайына бортында 125 қазақстандық бар ұшақ  Түркиядан келіп қонды. Олардың басым бөлігі- Павлодар облысының тұрғындары. 

Рейсті күтіп алғандардың барлығы арнайы қорғаныс костюмдерін киген. Елге оралғандардың температурасын өлшеп, коронавирус белгілеріне тексерді. Сондай-ақ, жеке қорғаныс құралдарымен жабдықтап, арнайы сауалнама жүргізілді. Жолаушылардың сырт киімдеріне дезинфекция жасалғаннан соң автобустармен карантин орнына жеткізілді. Сондай-ақ, олардың жүктеріне тазарту жұмыстары жүргізілді. Жолаушылар жүктерін карантиннен шыққаннан кейін ғана ала алады. 

Түркиядан келген қазақстандықтар алдағы уақытарын карантинде өткізеді. Бүгін оларды арнайы дайындалған мекемелерге жатқызды. Бұл жерде әр адамға медициналық сараптама жасалады. Оның нәтижесі 1 тәулік аралығында белгілі болмақ. Егер COVID–19 анықталған болса, пациентті бірден инфекциялық стационарға жеткізіп, боксқа оқшаулайды. 

Жолаушыларды тасымалдауға жұмылдырылған ұшақ пен барлық көліктерді, яғни автобустар мен жедел жәрдем машиналарын да дезинфекциялады.  

Еске сала кетейік,  бұл Қазақстанға азаматтарды шетелген әкелген алғашқы рейс емес. Бұған дейін Нұр-Сұлтан, Алматы, Шымкент, Атырау және Қарағанды қалаларына арнайы ұшақтар отандастарымызды жеткізген еді.

 

banner_wsj.gif

drweb_ESS_kursiv.gif