Skip to main content

Коронавирус жұқтырғандардың саны 6 адамға жетті

Тағы екі адамнан коронавирус анықталды

Фото: Shutterstock

ҚР Денсаулық сақтау министрлігі Covid-19 эпидемиологиялық жағдай бойынша шұғыл ақпарат таратты.

«Дәл қазір белгілі болғандай коронавирус індетін жұқтырған тағы бір азамат анықталды. Ол, 1958 жылғы ер азамат. Жеке кәсіппен айналысады. Ол кісі бізге Алматы қаласына Мәскеуден 10 наурыз күні ұшақ арқылы келген. Қазіргі таңда ол кісі стационарда, карантинде жатыр. Сонымен қатар, Нұр-Сұлтан қаласында тағы бір науқас тіркелді. Әйел адам. Анығын біз қазір қарастырып жатырмыз. Бұл әйел адам бізге Варшава-Астана ұшағы арқылы ұшып келген болатын. Демек, қазіргі таңда коронавирус індетін жұқтырғандардың саны 6-ға жетті. Оның төртеуі Алматы қаласында, екеуі Нұр-Сұлтан қаласында»,-деді ҚР Денсаулық сақтау министрлігінің ресми өкілі Диас Ахметшәріп. Бұл туралы Facebook желіде айтты.

banner_wsj.gif

Түркиядан оралған қазақстандықтардан коронавирус анықталған жоқ

Бүгін олар арнайы автобуспен Нұр-Сұлтан қаласына жеткізілді

Фото: pavon. kz

Павлодар облысы әкімі баспасөз қызметінің хабарлауынша, Нұр-Сұлтан қаласының 34 тұрғыны арнайы ұйымдастырылған автобуспен елордаға кетті. Олар Павлодарға Түркиядан  4 сәуір күні эвакуациялық рейспен ұшып келген еді.

Павлодар облысы мен Нұр-Сұлтан қаласының әкімдіктері өзара келісімге келген: арнайы жасақталған автобус елордалық тұрғындарды карантиндік госпитальдан Нұр-Сұлтандағы бақылау-өткізу пунктіне дейін жеткізеді. Сол жерден оларды елорданың әкімдігі жіберген арнайы көлік күтіп алады. Барлық рәсімдер эпидемияға қарсы дезинфекциялық шаралар режимін қатаң сақтай отырып жүргізіледі.

Қалған жолаушылар, оның ішінде Павлодар облысының тұрғындары да бар, карантиндік госпитальде қалады. Олар сол жерде 14 күн бойы  медициналық бақылауда болады.

Айта кетейік, рейстегі 102 жолаушыдан алынған талдау нәтижелері бойынша, ешкімнен коронавирус инфекциясы анықталмады.
 

banner_wsj.gif

drweb_ESS_kursiv.gif