Кей кездері дауласпай, ұжымда іс бітер ме?!

Келіспеушілік туған жағдайда білікті басшы не істеуі керек

Фото: www.shutterstock.com

Ұжым ішіндегі даудың екі түрі бар: ашық және жасырын. Алғашқысында қызметкер ойын бүкпесіз жайып салады. Позициясын дәлелдеуге тырысады. Мұндай жағдайда дәйексіз сөйлеуден сақ болу қажет. Егер екі тарап та нақты әрі аргумент келтірсе, онда ол дау емес, конструктив және позитив диалог болады.  Жасырын конфликт қандай болады? Әдетте, ойын шіміркпестен айта алмай, қымсынатындар әріптестері мен басшылықтың ығына жығыла салғанды жөн көріп тұрады. Сондай-ақ не қарсы шықпай, не қосылмайтындар да бар. Яғни болып жатқан жағдайға көз жұмып жүргендей кейіп танытады. Келіспеушіліктің бұл түрі бара-бара үдейді. Іштей тынған соң, бойына негатив толтырады. Ол болса, күндердің күнінде сыртқа лық етіп төгіле салуы мүмкін. Мұндай кезде не істеу қажет?

Заманауи басшы nice person болуы тиіс. Яғни әріптестеріне құрметпен қарау арқылы ұжымды айрандай ұйытып ұстауға мүмкіндік туады. Қол астындағы қызметкері ойын ашық айтудан қорықпай, көзқарасын білдіре алғаны жөн. Олай болмаған жағдайда «күйіп-күйіп күл болуы» мүмкін. Мұны психологияда эмоционалды күйіну не жану синдромы дейді. Сондықтан басшыларға берер бірер кеңес бар:  

    Эмоцияны басқару. Шешім қабылдағанда байыппен ойланып, қызбалыққа салынбау керек. Алдымен іштен алтыға дейін санаңыз да, терең тыныс алыңыз. Бірден жауап қатуға асықпаған жөн. Бірінші ішіңізден ойланыңыз. Сосын барып бар эмоцияны ысырып тастап, нақты жауап бере аласыз. 

•    Тыңдау да – өнер. Айтушының сөзін бөлмей, ойын соңына дейін жеткізуге мүмкіндік беріңіз. Қандай да бір пікір не сауал туындаса, кейін айтасыз. Қағаз бетіне түртіп алуға да болады. 

•    Естуіңіз керек. Қызметкерге жөнді жауап беру деген – оның ойына ортақтасып, эмпатия білдіру. Егер қарсы тараптың сөзін қайталап айтар болсаңыз, сіздің айтқыңыз келген ойды жақсырақ түсінеді. Миымыздың құрылысы сондай өзі. «Ұйып тыңдау» тәсілі деген бар. Сөйлесіп отырған адамның сөзінен кейін «Сіздің меңзегеніңіз мынадай ма / сізді дұрыс түсінген болсам, былай дегіңіз келген сияқты» деп сөз алар болсаңыз, қызметкеріңіз сізді тыңдар құлақ қана емес, ести білетін есті адам деп бағалайды.   

•    Жауабыңызда аргумент болуы тиіс. Бос сөз қажет емес. Позицияңызды нақты дәлелдеп, статистикамен сөйлеуді әдетке айналдырыңыз. 

•    Дұрыс сұрақ қою. Жиналыста болсын, бетпе-бет әңгімеде болсын мұның маңызы зор. Сауалды дұрыс қою үшін «қайда», «неге», «қай жақтан» деп бастаңыз. Риторикалық сұраққа әуес болмаған жөн. Мысалы «Сонда барлық есеп-қисап дұрыс жасалды дегің келіп тұр ма?» десеңіз, негатив сезіледі. Байқадыңыз ба? Мұндайды болдырмас үшін тігісін жатқызып сұрақ қойыңыз. Сол кезде конструктив диалог оңай орнайды. 

Келіспеушілік ақыры туындаған болса, бұдан сабақ алу маңызды. Келесіде мұндайды болдырмауды ойлаңыз. Егер басшы білікті болса, қызметкерлерінің мүмкіндігін дәл бағамдай білсе, жол бастай алса, даулы жағдай не аз болады, не мүлдем болмайды.
 

banner_wsj.gif

Павлодар облысында коронавируспен күреске 2,8 млрд теңге бөлінді

Оған қоса, қауіпті індетке қарсы арнайы қор құрылған

Фото: Валерий Бугаев

Павлодар облысының әкімі Әбілқайыр Сқақовтың айтуынша, аймақта пандемиямен күреске барлық қаржы көздерінен 2,8 млрд теңге бөлінді. Оның ішінде 837 млн теңгеге қажетті материалдық-техникалық құралдар (мәселен, 23 өкпені жасанды желдету аппараты, 19 стационарлық монитор), 660 млн теңгеге дәрігерлерге арналған жеке қорғаныс заттары (мысалы, бір арнайы киімнің бағасы – 7500 теңге), 42 млн теңгеге медициналық бұйымдар сатып алынған. Оған қоса, 490 медицина қызметкеріне бір айлық еңбекақы көлемінде сыйақы беріліп, алдыңғы шепте жүрген ақ желеңділер бюджет қаржысы есебінен біраз уақыт бойы қонақ үйлерде тұрды. 

«Бүгінгі күні аса маңызды емес жобалар мен шаралардан бас тартып, облыстық бюджетті бірнеше рет нақтыладық. Соның нәтижесінде 15 млрд теңге үнемделді. Бұл қаржыны да пандемиямен күреске жұмсайтын боламыз. Мәселен, 1,5 млрд теңгеге қажетті дәрі-дәрмектер сатып алынады», - деді Әбілқайыр Сқақов. 

Сондай-ақ, елімізде төтенше жағдай режимі жарияланған тұста облыста коронавирусқа қарсы арнайы қор құрылған болатын. Осы уақытқа дейін бизнес өкілдері қорға 122 млн теңге аударып үлгерді. Бірақ қордағы бұл қаржы әлі күнге дейін жұмсалмаған көрінеді.  Оның қандай мақсатта, қашан, қандай көлемде бағытталатынын қамқоршылық кеңесі шешеді.  

Осындай қыруар қаржы қарастырылғанымен, павлодарлықтардың көбі қажетті дәрі-дәрмектерді таппай, шарқ ұрып жүр. Әлеуметтік желілерде медициналық препараттарды кез келген бағаға сатып алуға әзір екені жазылған хабарламалардан көз сүрінеді. Ал жергілікті билік болса, мәселе бір-екі күннің дересінде шешімін табады деп сендіріп отыр.

Облыс әкімі Әбілқайыр Сқақовтың айтуынша, күні кеше аймақтағы дәріханаларға 17 мың қорап парацетомол, 6,5 мың флакон цефтираксон мен Цеф-3 түсті. Таяу күндері облыстың қоймаларына 16 мың қорап антибиотик, 5 мың қорап вирусқа қарсы дәрілер, қызуды түсіретін 8 мың қорап препарат жеткізілмек. Сонымен қатар, жалпы сомасы 1,5 млрд теңге болатын 33 түрлі дәрі-дәрмекті алуға тиісті тапсырыс беріліпті. 
Өкінішке қарай, тұтынушылар тарапынан туындаған зор сұраныстан пайда таппақ болғандар бағаны негізсіз өсіріп, қымбатқа сатуда. Осы уақытқа дейін құқық қорғау органдары дәл осындай 11 фактіні анықтап, дәріхана өкілдері жауапкершілікке тартылды. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg