Skip to main content

Қазақстанда әлі жарты жылға жететін азық-түлік бар

Алайда әлі де болса тауық еті мен қантты шетелден тасып отырмыз

Фото: Shutterstock - George Rudy

Қазақстанда әлеуметтік маңызы бар азық-түлік жеткілікті. Бұл туралы вице-премьер Ералы Тоғжанов мәлімдеді.

 
“Бізде әлеуметтік маңызды азық-түліктің 19 түрі бар. Олар толық жарты жылға жетеді. Қазір ешкім қол қусырып отырған жоқ. Барлық аудандағы әкімдерге тапсырма берілді,”- деді ол. 

Алайда ол тауық еті мен қантты сырттан тасымалдайтынымызды жасырған жоқ.

“Азық-түліктің қауіпсіздігі – бірінші орында тұрған мәселе. Сондықтан бәрі қатаң бақылауда. 19 түрлі азық-түліктің ішінде құс еті мен қант та бар. Біз оны импорттағанымызбен, ол проблема күйіп тұрған жоқ. Азық-түлікке қатысты барлық мәселе біздің назарымызда”, –деп сөзін аяқтады Тоғжанов


Еске сала кетсек, әлемде коронавирус пандемиясының тарауына орай, кейбір елдерде азық-түлік жетіспеушілігі орын алған еді.  
 

banner_wsj.gif

Түркияда қалып қойған қазақстандықтарды Павлодарға әкелді

Олардың барлығын бірден карантинге жапты.

Фото: Shutterstock

Бүгін сағат 9:55-те Павлодар әуежайына бортында 125 қазақстандық бар ұшақ  Түркиядан келіп қонды. Олардың басым бөлігі- Павлодар облысының тұрғындары. 

Рейсті күтіп алғандардың барлығы арнайы қорғаныс костюмдерін киген. Елге оралғандардың температурасын өлшеп, коронавирус белгілеріне тексерді. Сондай-ақ, жеке қорғаныс құралдарымен жабдықтап, арнайы сауалнама жүргізілді. Жолаушылардың сырт киімдеріне дезинфекция жасалғаннан соң автобустармен карантин орнына жеткізілді. Сондай-ақ, олардың жүктеріне тазарту жұмыстары жүргізілді. Жолаушылар жүктерін карантиннен шыққаннан кейін ғана ала алады. 

Түркиядан келген қазақстандықтар алдағы уақытарын карантинде өткізеді. Бүгін оларды арнайы дайындалған мекемелерге жатқызды. Бұл жерде әр адамға медициналық сараптама жасалады. Оның нәтижесі 1 тәулік аралығында белгілі болмақ. Егер COVID–19 анықталған болса, пациентті бірден инфекциялық стационарға жеткізіп, боксқа оқшаулайды. 

Жолаушыларды тасымалдауға жұмылдырылған ұшақ пен барлық көліктерді, яғни автобустар мен жедел жәрдем машиналарын да дезинфекциялады.  

Еске сала кетейік,  бұл Қазақстанға азаматтарды шетелген әкелген алғашқы рейс емес. Бұған дейін Нұр-Сұлтан, Алматы, Шымкент, Атырау және Қарағанды қалаларына арнайы ұшақтар отандастарымызды жеткізген еді.

 

banner_wsj.gif

drweb_ESS_kursiv.gif