Қазақстанда коронавирусқа байланысты қанша адам бақылауға алынған?

Денсаулық сақтау министрлігі эпидемиологиялық жағдай туралы хабарлады

Фото: Shutterstock.com

ҚР Денсаулық сақтау министрлігі көрші мемлекеттерден келген азаматтарды бақылауды жалғастырып жатыр.

«Барлық санаттар бойынша 4650 адам тексерілді, оның ішінде: 1«а» санаты –1217, 1«б»санаты – 189,  2-санат – 3244 адам. Қадағалаудан жалпы саны 676 кісі шықты. 11 наурыздағы жағдай бойынша, барлығы 3974 адам бақылауда тұр. Сондай-ақ, 90 адам дене қызуы және жедел респираторлы вирустық инфекциямен ауруханаға жатқызылды, олардың 20-сы –1 «б» санатында, 2-ші санатта –36 және 3-ші санатта – 34 адам бар. Ауруханаға жатқызылған адамдардың 90-нан 52-сі шығарылды. 38 адам ауруханада қалды», – делінген министрлік таратқан хабарламада.

Денсаулық сақтау министрлігі қосымша бақылау үшін барлық емделушілердің қан талдауларын Алматыдағы Орталық референс зертханасына жіберген. Масғұт Айқымбаев атындағы Қазақ карантиндік және зооноздық инфекциялар ғылыми орталығы және Ұлттық биотехнология орталығы  Дүниежүзілік денсаулық сақтау ұйымы ұсынған хаттама негізінде COVID-19 ПТР диагностикасын енгізді және бірлесіп зерттеу жүргізіп жатыр.

Қазақстанда терапияға қажетті дәрі-дәрмек пен медициналық құралдар жеткілікті. Жұқпалы аурулар ауруханаларында оқшаулағыш жәшіктері бар орындар, дәрігерлер мен орта медициналық қызметкерлер де сақадай сай.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg