Қауіпті рейспен ұшып келген жолаушылар карантинге жабылды

Коронавирус жұқтырған әйелмен бірге Нұр-Сұлтанның 84 тұрғыны ұшып келген

Фото: Shutterstock

Коронавирус жұқтырған әйелмен бірге ұшып келген адамдар карантинге жатқызылды. Ұшақ Миланнан Мәскеу арқылы Нұр-Сұлтанға қонған. Бортта 84 қазақстандық болған, оның 20-сы стационарға жеткізілді. Бұл туралы елорданың қоғамдық денсаулық сақтау басқармасының бастығы Сәуле Қисықова мәлім етті. 


«Ұшақ бортының ішінде 90 жолаушы болған. Олардың 84-і Нұр-Сұлтан қаласының тұрғыны. Қазір телефон шалып, байланыс орнатып жатырмыз. Кейін зертханалық сынама алынып, ауруханаға жатқызамыз», - деді ол.


Ол 12 наурызда Милан - Мәскеу - Нұр-Сұлтан рейсімен ұшып келген. Бүгінде науқас әйел «Нұр-Сұлтандағы» көпсалалы медициналық орталықта ем қабылдап жатыр. 


«Осы елден (Италия) келген адамдар 14 күнге оқшауланады. Осыған байланысты бұл азаматша жедел түрде әуе кемесінен біздің ауруханаға жеткізілді», - деді Қисықова.


Науқастан алынған биоматериалдар Ұлттық сараптама орталығының зертханасына жіберілді. Әйелден коронавирус індеті анықталды.

 
«Қазіргі уақытта науқас біздің ауруханада жатыр, шағым айтып жатқан жоқ. Бірақ, қолымызға зертханалық растама берілгеннен кейін емдеу шараларын бастап кеттік. Ол желдеткіші бар бір бөлмеде жатыр », - деді.


Оның айтуынша, 84 адаммен хабарласып, байланыс орнатылған екен.


«Олардың ішінде Ресей азаматтары да бар. Тіпті, кейбіреулері қайтатын билеттерін де сатып алып қойған. Бірақ біз бәрін оқшаулаймыз. Осы уақытқа дейін 20 шақты адамды ауруханаға жатқыздық», - деді Қисықова.


Бұған дейін Нұр-Сұлтанда коронавирус ауруы шыққан жағдайда 200 кереуеттік арнайы аурухана бар екенін айтқан болатын.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg