Skip to main content

Алматыда коронавирустан ем алып жатқан 4 адамның біреуінің жағдайы орташа ауыр

Егер шаһарда індет ушықса, тағы 3 мың адамдық орын дайын

Фото: Shutterstock

Бүгін  Алматы қаласында шұғыл брифинг өтті. Алматы қаласы Қоғамдық денсаулық сақтау басқармасының басшысы Тілеухан Әбілдаевтің мәліметінше:


“14 наурызда қаламызда лабороторияда дәлелденген нәтиже бойынша, 4 азаматтан коронавирус табылған. Бұлардың барлығы біздің республикамыздың азаматтары. Екі адам Германия мемлекетінен келген болатын. 9-шы наурызда ұшып келген коронавирус жұқтырған адам 1 б категориясы бойынша, үйдегі карантинде болған. Науқас екені дәлелденген сәттен-ақ оны  инфекциялық госпитальге жатқыздық. Ол кісімен қарым-қатынаста болған азаматтардың барлығы анықталып, олар табылып, біздің провизорлық станционарларымызға оқшауланып, медициналық бақылауға жатқызылды. Сондай-ақ, коронавируске шалдыққан 4 адаммен қарым-қатынаста болғандардың барлығы медициналық карантинге жатқызылды”,-  деді  қаланың бас дәрігері.


Емделіп жатқандардың үшеуі қалыпты жағдайда, ал біреуі орта ауыр жағдайда екен. Бүгінгі таңда бұл азаматтардың барлығы  протокол бойынша  вирусқа қарсы дәрі дәрімектерді, симптоматикалық  ем алуда. 


“Тағы бір айта кетерлігі коронавирус жұқтырған адамдармен бірге қарым-қатынаста болған адамдарды оқшаулайтын қалада 3 ұйым жұмыс істеп жатыр.  Бұдан бөлек оқшаулайтын 4 провизорлық мекемелерді дайындап отырмыз. Ондағы төсектің саны 1500 ден асады. Бүкіл қала карантинге жабылған күнде тағы 3 мың адамға арналған әртүрлі мекемелерді жабдықтап дайындап отырмыз. Ол жағдай ушыққанда ғана төсектер қажет болады”,-деді Тілеухан Әбілдаев.


Қазір карантинде 606 адам жатыр. Станционарларда оларға барлық жағдай жасалған.
 

banner_wsj.gif

Қазақстанның кейбір облыстарында су тапшылығы сезілуі мүмкін

Оған трансшекаралық өзен суының азаюы себеп

Жаңа егіс науқанының алдында еліміздің бірқатар аймақтарында су тапшылығы сезілуі мүмкін. Бұл туралы геология, экология және табиғи ресурстар министрі Мағзұм Мырзағалиев суармалы жердің ирригациялық инфрақұрылымын жаңғырту мәселесі қаралған үкімет отырысында мәлімдеді. 

Министр гидрологиялық болжам бойынша, биыл оңтүстік және батыс облыстарда су тапшылығы сезілуі мүмкін дейді. Бұған дейін ел үкіметі елімізде төтенше жағдай жариялануына байланысты азық-түлік қауіпсіздігін қамтамасыз етуді басым бағыт деп белгілеген еді. Осы орайда Мырзағалиев ауыл шаруашылық саласында жүрген шаруаларды қажетті сумен қатамасыз ету – осы міндеттің бір бөлігі деп тұжырымдайды.

«Осыған орай біз тиісті шараларды қабылдадық. Су қоймаларының жұмыс кестесі қайта қаралып, әзірленді. Оны дайындау барысында суармалы жерлерді сумен қамтамасыз ету есепке алынды. Қазіргі таңда су қоймалары толтырылып жатыр",- деді ол Үкімет отырысында. 

Қазақстанның трансшекаралық өзендері бастау алатын көрші елдер – Қырғызстан, Тәжікстан мен Өзбекстанда да су тапшылығы сезілуі жағдайды одан әрі ушықтырып тұр. Бұл өзендердің суы елдің оңтүстігі мен батысында ауыл шаруашылық мақсаттағы жерді суаруға пайдаланылады.

«Біз өз тарапымыздан өзбек, қырғыз және тәжік әріптестерімізбен тиісті  келіссөз жүргізіп жатырмыз. Біздің басты назарда – Сырдария, Шу, Талас өзендері және мемлекетаралық каналдар бойынша Түркістан, Қызылорда және Жамбыл облыстарына қажетті су келуін қамтамасыз ету. Осыған орай, видеобайланыс арқылы 10 сәуірде су шаруашылық министрліктерінің арасында консультация өткізу жоспарланған»,– деп айтып өтті министр.

Минстрліктің мәліметі бойынша, Қазақстанда 1,5 млн гектар суармалы жер бар. Олардың басым бөлігі оңтүстік облыстарға тиесілі. Былтыр сол жерлерді суару үшін 12,3 млрд м3 су жұмсалды. Бұл еліміз бойынша тұтынатын судың 67% құрайды.

Бір гектар жерді суаруға кететін су көлемін орта есеппен 6 м3-ке дейін азайтса, ұнемделген сумен тағы да 2 млн гектар жерді суғаруға болады екен. Сондықтан министр суды үнемдеу технологиясын көбірек пайдалану керек деп тұжырымдайды. 

«Тамшылатып суару, жаңбырлату және егіс көлемін жоспарлаудың жаңа технологиялары пайдаланылатын суды бұрынғы тәсілдермен салыстырғанда, 33 пайызға үнемдеуге мүмкіндік береді. Ең бастысы - шығындалған судың өнімділігі артады, 1 шаршы мерт суды пайдалана отырып, 2,5 есе көп өнім алуға болады»,– деді ол. 

Бұдан бөлек, Қызылорда, Түркістан, Жамбыл және Алматы облыстарында 205 километр канал тазаланды және бұл жұмыс әрі қарай жалғасып жатыр.

Сондай-ақ, 335 гидротехникалық нысандар жөнделіп, 39 километр канал бетонмен қапталды.
 

banner_wsj.gif

drweb_ESS_kursiv.gif