Skip to main content

Алматыда 676 адам карантинде жатыр

Жеті науқас - бақылауда

Фото: Mongkolchon Akesin/Shutterstock...

Алматыда коронавирус дертін жұқтырғандар саны жетіге жетті. Ал, 676 адам карантинге жабылған. Бұл туралы COVID-19 таралуына қарсы аймақтық штабы хабарлады.


Бүгінде коронавирус жұқтырған алты науқас жұқпалы аурулар ауруханасында емделуде. 2008 жылы туған қыз Алматыға ата-анасымен Германиядан келген екен. Ол әуе кемесінен түсе сала дереу балалар жұқпалы аурулар ауруханасына бөлек қорапта жеткізілген. Қазіргі уақытта қыздың жағдайы қанағаттанарлықтай. Борт ішінде экипаж мүшесін қосқанда 12 адам болған. Олардың барлығынан сараптама алынып әрі бөлек оқшауланған. 
Қазір жеті науқас хаттамаға сәйкес тиісті ем алуда. Оларға вирусқа қарсы және симптоматикалық терапия дер кезінде басталған.


Инфекция жұқтырған адамдармен байланыста болған барлық азаматтар ауруханаларда 14 күндік карантинге орналастырылды.


Қазіргі уақытта Алматыда 676 адам карантинде жатыр.
 

banner_wsj.gif

42500 теңге: миллионнан аса өтініш келіп түскен

Олардың арасында 500 мыңнан аса айлық алатындар да болған

Фото:кursiv.kz

Қазіргі кезде 938 мың адам 42500 теңге төлем алуға 1,2 млн өтініш берген. ҚР Еңбек және әлеуметтік қорғау министрі Біржан Нұрымбетов ОКҚ өткен брифингте әлеуметтік төлем жайын тағы да түсіндірді. 

«Біріншіден 42500 теңге – емлекеттік әлеуметтік сақтандыру қорынан төленетін әлеуметтік төлем. Ол жұмыс істеп, ресми, бейресми тіршілік жасап жүрген азаматтарға, бірақ төтенше жағдайға қатысты табысынан айырылған адамдарға қарастырылған», – деді министр. 

Нұрымбетов жүйе әр адамды автоматты түрде тексеретінін айтып өтті. Қазір кезде  egov.kz және 42500.enbek.kz сайттары тұрақты жұмыс істеп тұр, арнайы телеграм- бот іске қосылады. 

"Telegram-бот бүгін іске қосылды. Ол дайын. Бірақ оны кішкене кешіктірдік. Өкінішке қарай, кейбір "ақылды кісілер" көптеген фейк, жалған Telegram-боттарды жариялап, кішкене халықты жаңылыстырды", - деп қосып өтті Біржан Нұрымбетов.

Сонымен қатар министрдің айтуынша, бұл төлемге тек жағдайы қиындап кеткен кісілер ғана емес, 500 мыңдап айлық алып жүргендер де өтініш берген. 

"Алғашқы 4 мыңнан аса өтініш келіп түскен кезде, олардың 2 мыңға жуығы қаңтар, ақпан айларында 50 мыңнан аса айлық алып жүргенін анықтадық. Алайда 16 наурыздан кейін ақшасы қалмай қалыпты да, өтініш берген. Бұл енді дұрыс емес. Сондықтан сіздерден кешірім сұраймыз, бірақ сіздерге бұл ақша төленбейді",- деді министр. 

 

banner_wsj.gif

drweb_ESS_kursiv.gif