1 view

Досаев елімізде төлем карталары жүйесін құру қалай жүзеге асырылып жатқанын мәлімдеді

Министр ақша-кредит саясатының жайын баяндады

Фото: Ақорда

Ұлттық банк басшысы Е.Досаев мемлекет басшысы Қ.Тоқаевқа 2021 жылдың бірінші жартыжылдығындағы ақша-кредит саясатын іске асырудың алдын ала қорытындысы жөнінде есеп берді. Сондай-ақ Қазақстан экономикасының өсімін 3,6-3,9 пайыз деңгейде жақсарту және коронавирустың жаңа штамдарының салдарынан ел экономикасын қайта қалпына келтіруге кедергі болатын негізгі қауіп-қатерлер туралы баяндады, деп хабарлайды Ақорда баспасөз қызметі. 

Президентке биылғы 6 айдағы инфляцияның 7,9 пайызға дейін жедел өсуі, ішкі азық-түлік нарықтарындағы теңгерімсіздік, сондай-ақ, сыртқы инфляциялық қысымның күшеюі және орталық банктердің ақша-кредит шарттарын қатаңдатуға көшу үрдісі жайында айтылды.

Сонымен қатар, Қазақстанның валюта нарығындағы ахуал, Ұлттық банктің алтын-валюта қоры мен Ұлттық қор активтерінің жай-күйі жөнінде ақпарат берілген.

Ерболат Досаев халық салымдарының тұрақты түрде долларсызданып келе жатқаны, экономиканың нақты секторын несиелеудің өсуі және қазақстандық банкаралық төлем карточкаларының жүйесін құру жоспарының жүзеге асырылуы туралы баяндаған. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Telegram және Facebook


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер