Skip to main content

Банктерге депозит мөлшерлемесін тағы да көтеру ұсынылды

ҚДКБҚ бұл қадамға салымшылардың мүддесін қорғау үшін барып отыр

Фото: shutterstock.com

Қазақстанның депозиттерге кепілдік беру қоры теңгедегі жинақ, мерзімді және мерзімсіз депозиттер бойынша ұсынылған ең жоғары мөлшерлемелерді өсірді. Бүгін кейбір депозиттер бойынша ең жоғары мөлшерлемелердің мәні қайта қаралды. Өзгеріс күшіне бүгін енеді: банктер енді депозиттерді едәуір жоғары мөлшерлемелермен қабылдауға құқылы. Бұл туралы қордың баспасөз қызметі хабарлады. 

«ҚДКБҚ әрекеті нарықтық әдістемеге негізделеді және бірінші кезекте қазақстандық салымшылардың мүддесін қорғауға және салымдарды саралаудың негізгі қағидасын сақтауға бағытталған: барлық депозиттер инфляциядан жоғары табыс әкеледі, ал мерзімінен бұрын алуға қатысты ең жоғары талаптарға ие жинақ салымдар едәуір жоғары табыстылық әкеледі», – деп түсіндірді Қазақстанның депозиттерге кепілдік беру қоры төрағасының міндетін атқарушы Бота Ақбаева.

Ұсынылған ең жоғары сыйақы мөлшерлемелерін қайта қарау – бұл ақша нарығындағы шарттардың өзгеруіне берілген барабар жауап. Еске саламыз, базалық мөлшерлеме 9,25 пайыздан 12 пайызға көтеріліп, оның пайыздық дәлізі +/- 0,5 пайыздық тармаққа кеңейтілген болатын. 



 
Ұзақ мерзімді жинақ салымдар ең жоғары табысты салымдар болып қала береді. Бір жыл мерзімге ашылған және толықтырылмайтын жинақ салымдар бойынша ұсынылған ең жоғары мөлшерлеме 15,1 пайызға, екі жыл мерзім бойынша – 15,5 пайызға өседі. Бұл бұған дейінгі мәндерден 1 пайыздық тармаққа жоғары. Жинақ салымдарға деген сұраныс бәсеңдеген жоқ. Керісінше ақшаның құны өзгеріп жатқан жағдайда бұл салымдар едәуір жоғары табыс әкеледі. Оның үстіне аталмыш салымдар ҚДКБҚ тарапынан қорғалады.

Толықтыруға және кез келген уақытта алуға болатын мерзімсіз салымдар – бұл жалпы бұқаралық өнім – мұндай депозиттер барлық банктердің депозиттер желісінде бар. Өткен аптада мерзімсіз салымдар бойынша ұсынылған ең жоғары мөлшерлемердің мәні қайта қаралған соң, оған қоса базалық мөлшерлеменің пайыздық дәлізінің кеңейтілуіне  байланысты ҚДКБҚ бүгін базалық мөлшерлеменің спредін 0,5-тен 1 пайыздық тармаққа ұлғайтты. Банктер бүгіннен бастап-ақ мерзімсіз салымдарды 13 пайызға дейінгі мөлшерлемемен қабылдауға құқылы.    
 
Үш және алты айлық қысқа мерзімді жинақ салымдар
ҚДКБҚ-ның базалық мөлшерлемеден тыс спредті 1-ден 2 пайыздық тармаққа дейін өсіру туралы шешімінің арқасында едәуір жоғары табысты салымдарға айналады. Бүгіннен бастап 3 және 6 айлық жинақ депозиттер бойынша мөлшерлемелердің ең жоғары мәні - 14,0 пайызды құрайды. 
        
ҚДКБҚ мерзімді салымдар бойынша мөлшерлемелердің ең жоғары мәнін өзгеріссіз, яғни, 10 наурызда бекітілген деңгейде қалдырды. Алайда мына мерзімді депозиттер бойынша ұсынылған ең жоғары мөлшерлемелерді, дәлірек: бір жылға ашылған депозиттер бойынша - 12,2 пайызға, екі жылға – 12,9 пайызға дейін өсірді.
 

banner_wsj.gif

Ұлттық қордан тағы да миллиардтаған қаржы алынады

Кепілдендірілген трансферт көлемін арттыру ұсынылды

Фото: Асқар Ахметуллин

2020 жылы Ұлттық қордан бөлінетін кепілдендірілген трансфертті 2 070 млрд. теңгеге, яғни  4 770 млрд. теңгеге дейін  арттыру ұсынылып отыр. Бұл туралы бүгін үкімет отырысында Руслан Дәленов хабарлады. 

ҰЭМ басшысы 2020 жылға арналған макроэкономикалық көрсеткіштер мен бюджет параметрлері болжамын нақтылады. Бұл ретте министр айтуынша, болжамды нақтылаудағы негізгі фактор – тұрақсыз сыртқы экономикалық жағдай,  жаһандық рецессия және коронавирустың таралмауы бойынша қорғану шаралары аясында іскерлік белсенділіктің баяулауы.

Нақты айтсақ, республикалық бюджет кірісі трансферттерді есепке алмағанда, 2020 жылы 6 414,1 млрд теңге көлемінде бағаланған, бұл бекітілген жоспармен салыстырғанда, 1 672,3 млрд теңгеге аз. Қосымша құн салығы, шикі мұнайға салынатын экспорттық кеден бажы және табиғи ресурстарды пайдаланғаны үшін түсетін түсімдер айталықтай азаяды. 

Сонымен қатар, өңдеу өнеркәсібі, ауыл шаруашылығы, құрылыс және қызмет көрсету секторы, соның ішінде сауда-саттық бағытында бұған дейін мақұлданған өсу қарқынымен салыстырғанда, өсім көрсеткіші төмендейді. 

Мемлекет басшысының тапсырмасын іске асыру үшін  қабылданған салықтық ынталандыру мен жеңілдіктер бойынша барлық шаралар бюджеттің кіріс бөлігінде ескерілген. Ірі сауда объектілері, сауда ойын-сауық орталықтары, кинозалдар, театрлар, көрмелер, қоғамдық тамақтандыру, қонақ үй, хостел және туристік қызмет объектілерін жылдың соңына дейін мүлік салығынан босату орнатылды.Салық салудың жалпы белгіленген тәртібінде жұмыс істейтін жеке кәсіпкерлер жыл соңына дейінгі мерзімде жеке табыс салығынан босатылды.

Агроөнеркәсіптік кешенді қолдау мақсатында ауыл шаруашылығы өнімдерін өндірушілер ауыл шаруашылығы мақсатындағы жер бойынша жер салығын жылдың соңына дейін төлемейді. Сондай-ақ, биологиялық активтерінің импорты жылдың соңына дейін қосылған құн салығынан босатылды.

Сонымен қатар, әлеуметтік маңызы бар азық-түлік тауарлары үшін қосылған құн салығының мөлшерлемесі ағымдағы жылғы 30 наурыздан 1 қазанға дейінгі кезеңге 12%-тен 8%-ке дейін төмендетілді.Шағын және орта бизнесті еңбекақы төлеу қорынан алынатын салық және әлеуметтік төлемдерден (жеке табыс салығы, әлеуметтік салық, міндетті зейнетақы жарналары, міндетті медициналық сақтандыру және әлеуметтік аударымдар) 6 айға ағымдағы жылғы 1 қазанға дейін босату қарастырылған.

Бұл шара туристік қызмет, қоғамдық тамақтану, қонақ үй бизнесі салаларын, ірі сауда объектілерін, сауда ойын-сауық  орталықтарын, кинозалдар, театрларды, көрмелер мен дене шынықтыру-сауықтыру және спорт ғимараттарын, көлік қызметтерін, консультациялық қызметтер мен ақпараттық технологияларды, тамақ өнімдерін өткізу мен дәріханаларды қоспағанда сауда субъектілерін қамтиды.

"Салықтық әкімшілендіру бөлігінде 2020 жылдың  1 маусымына дейін шағын және орта бизнес субъектілері үшін барлық салықтар мен бюджетке төленетін міндетті төлемдерді және әлеуметтік жарналарды (жеке табыс салығы, әлеуметтік салық, қызметкер үшін әлеуметтік және медициналық сақтандыру) төлеуді кейінге қалдыру енгізілді", -деді министр.

Бұдан басқа, төтенше жағдай кезеңінде салықтық  тексерулер мен салық, кеден және әлеуметтік төлемдер бойынша берешекті мәжбүрлеп өндіру тоқтатылды.

Жалпы, жоғарыда көрсетілген барлық шаралар 700 мың салық төлеушіні қамтиды.
 

banner_wsj.gif

drweb_ESS_kursiv.gif