Ұшақтарға Иранның әуе кеңістігімен ұшуға қайта рұқсат берілді

Жарияланды
Тыйым украиндық Boeingтің авиаапатынан кейін салынған болатын

Авиациялық қауіпсіздіктің Еуропалық агенттігі Иран үстімен кез келген ұшудан бас тарту жөніндегі ұсынысын алып тастады, делінген ведомствоның сайтында.

Хабарламада 28-қаңтарда ЕО-ның авиациялық қауіпсіздікті бағалау тобының отырысы өтіп, оның қорытындылары бойынша, Иранның және Ирактың үстімен ұшуға тыйым салуға қатысты ұсыныстардың кері қайтарылып алынғаны айтылған.

Естеріңізге салсақ, 8-қаңтарда ирандық әскерилер қателікке жол беріп, «Украина халықаралық әуе жолдары» авиакомпаниясының жолаушылар ұшағын атып құлатқан болатын. Ұшақ бортында болған 167 жолаушы және экипаждың 9 мүшесі қаза болған-ды.
 

Сондай-ақ оқыңыз