1 view

Қазақстанда қандай өнімдер қымбаттады

2021 жылғы қаңтарда инфляция 0,6% құрады

Фото:egemen.kz

Қаңтарда жүргізілген сауалнаманың нәтижелері бойынша, халықтың инфляциялық күтулері төмендеді. Инфляциялық күтулердің бір жыл алға сандық бағасы 6,7%-ды құрады (2020 жылы желтоқсанда – 7,6%). Бұл туралы Ұлттық Банк баспасөз қызметі хабарлады.

Келесі 12 ай ішінде бағаның ағымдағы өсу қарқынының сақталуын не бағаның неғұрлым жылдам өсуін күтетін респонденттердің үлесі 43%-ға дейін (2020 жылғы желтоқсанда – 50%) төмендеді.

Респонденттердің 91%-ы азық-түлік бағасының тез өскенін сөз етті (2020 жылы желтоқсанда – 88%). Атап айтқанда, жеміс-жидек пен көкөністің (21%-дан 27%-ға) және жұмыртқаның (13%-дан 25% -ға дейін) қымбаттағанын айтқан респонденттердің қатары көп болды.

Қант (18%), өсімдік майы (35%), нан-тоқаш өнімдері (26%) бағаларының өскенін атап өткен респонденттер саны сәл азайды, бірақ соңғы айларда айтарлықтай басым боп қалуда.



 

«Курсивті» кез келген жерде оқыңыз. Бизнес әлеміндегі ең өзекті жаңалықтар Telegram және Facebook


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер