Қазақстан мен Қытай шекарасындағы «Бахты-Покиту» пункті ашылатын болды

Жарияланды
Тек жүк тасымалдаушылар үшін

ҚР Сыртқы істер министрлігінің ақпаратына сәйкес, Қазақстан-Қытай шекарасындағы «Бахты-Покиту» өткізу пунктінің жұмысы жүк тасымалдаушылар үшін 2020 жылдың 28 қазанынан бастап қайта жанданатын болады. Бұл туралы ҚР индустрия және инфрақұрылымдылық даму министрлігінің Telegram каналы.

Сондай-ақ, COVID-19 індетінің ұлғаюуын болдырмау мақсатында қытай тарапымен осы өткізу пункті арқылы туристер мен басқа тұлғалардың өтуіне уақытша тыйым салынады.  

Өз кезегінде Қытай тарапы қосымша «Қалжат-Дулаты» және «Майқапшағай-Зимұнай» өткізу пункттері арқылы жүк тасымалдаудың мүмкіндіктерін, сондай-ақ, қазақстандық жүргізушілердің Қытай өткізу пункттерінің логистикалық орталықтарына кіру мәселелерін қарастырып жатқанын жеткізді.

Еске салсақ, Қытай тарапы, өз елінде COVID-19 індетінің таралу үрдісі белең алып тұрған себепті автомобиль көлігімен жүк тасымалына кейбір  шектеулерді енгізген болатын.    
 

Сондай-ақ оқыңыз