Skip to main content

Қазақстанда тұтынушылық несиелер азаяды

Бұл туралы Moody's Investors Service халықаралық агенттігі мәлімдеді

Фото: Shutterstock

Армения, Ресей, Қазақстан және Өзбекстандағы тұтынушылық несие сапасының нашарлауы коронавирус және мұнай бағасының төмендеуіне байланысты артып келеді,- деп хабарлайды Moody's Investors Service халықаралық рейтинг агенттігінің есебінде. 


Коронавирус індеті мен мұнай бағасының құлдырауына байланысты ТМД елдерінде тұтынушылық несиелер қарқынды өспек. Бұл жағдай елдердегі экономиканың әлсіреуі мен активтер сапасының нашарлау қаупінің жоғарылауына әкелді. 


«Мұнай бағасының құлдырауы мен коронавирус індетінің өршуі несие алуды жылдамдатады, - дейді Moody's агенттігінің талдаушысы Светлана Павлова. - ТМД елдерінде тұтынушылық несие беру активтерінің сапасы нашарлауының жоғары тәуекелі Арменияда, одан кейін Ресей мен Қазақстан және Өзбекстанда олардың өсуін байқаймыз».


Агенттік сарапшыларының пікірінше, коронавирус індеті бірнеше сектордағы құлдырауды тудырады. Бұл қарыз алушылардың осы сектордағы қарыздарын өтеу қабілетіне теріс әсер етеді. Сонымен қатар, мұнай бағасының төмендеуі Ресей, Қазақстан және Әзірбайжан экономикасының өсуін баяулатады екен. Бұл осы елдердегі активтер сапасының одан да нашарлауына ықпал етпек.

banner_wsj.gif

Үкімет 2025 жылға дейінгі даму жоспарына өзгеріс енгізеді

Сонымен қатар министрлер кабинеті 2020 жылға арналған экономикалық өсуді қалпына келтіру жоспарын қабылдады

Фото: shutterstock.com

Бүгін Үкіметтің селекторлық отырысында министрлер кабинеті 2020 жылдың соңына дейін экономикалық өсімді қалпына келтіру жөніндегі кешенді жоспарды бірауыздан  қабылданды. Бұл жоспар іскерлік белсенділікті ынталандыру, жұмыспен қамтуды қолдау және халықтың табысын арттыру жөніндегі кешенді және салалық шараларды қамтиды. Сонымен қатар  жақын арада 2025 жылға дейінгі стратегиялық даму жоспары жаңа редакцияда әзірленбек. Бұл туралы бүгін Үкімет отырысында премьер-министр Асқар Мамин мәлімдеді. 

«Мемлекет басшысының тапсырмасы бойынша әлемдік және ұлттық экономикадағы жағдайдың күрт өзгеруіне байланысты 2025 жылға дейінгі стратегиялық даму жоспары жаңа редакцияда әзірленеді. Ол институционалдық және құрылымдық реформаларды жүргізуді қамтитын елдің орта мерзімді кезеңге арналған жаңа экономикалық бағытының негізгі бағыттарын айқындайды», — деді А. Мамин.

Стратегиялық жоспардың басты міндеті — бәсекеге қабілетті шикізаттық емес секторға басымдық бере отырып, сапалы инвестиция мен қосылған құнның өңірлік және жаһандық тізбектеріне кірістіруге негізделген экономиканың жаңа құрылымын құру.

"Ұлттық экономика министрлігіне осы жылдың 1 шілдесіне дейін құжаттың жаңа редакциядағы жобасын әзірлеуді тапсырамын", - деді премьер-министр. 

Сонымен қатар премьер-министр 2020 жылға арналған кешенді жоспарды іске асыру сыртқы орта тигізетін келеңсіз әсерді барынша азайтуға, аса маңызды салалардың бәрін және отандық бизнес қызметін жандандыру бойынша практикалық іс-шараларды қамтуы тиіс деп атап өтті.

Ұсынылып отырған шаралар қаржыландыру және жеңілдікті несие беру тетіктерін, оның ішінде микробизнес тетіктерін едәуір кеңейтуді, экспорттық шығындарды кепілдендіру және өтеу құралдарын белсенді түрде қолдануды көздейді.

Форвардтық және ұзақ мерзімді оффтейк-келісімшарттар жасасу практикасы енгізіледі. Жүктеме азаяды және салықтық әкімшілендіру жеңілдетіледі, салықтар мен қарыздар бойынша преференциялар мен төлемді кейінге қалдыру қолданылады, жекелеген айыппұлдар мен алымдар алынып тасталады, әкімшілік кедергілер азайтылады.

Тұрғын үй құрылысы нарығында сұранысты ынталандырудың, отандық өндірісті және қызмет көрсету саласын қолдаудың жаңа тәсілдері енгізіледі.

«Жалпы, Кешенді жоспарда көзделген шаралар бірқатар салалардың белсенділігін қалпына келтіруге мүмкіндік береді. Бұл салаларда 6 млн-нан аса адам жұмыспен қамтылған», — деді А. Мамин.

Үкімет басшысы мемлекеттік органдардың бірінші басшыларына, өңірлер әкімдеріне Жоспардың іс-шараларын белгіленген мерзімде сапалы түрде іске асыруды қамтамасыз етуді тапсырды.

 2020 жылға арналған экономикалық өсуді қалпына келтіру жөніндегі кешенді жоспардың жобасын таныстырған Ұлттық экономика министрі Руслан Дәленов өнеркәсіпті қолдау қоры құрылып, ол өңдеуші кәсіпорындарға жылдық мөлшерлемесі 3 пайыз несие берумен айналысатынын айтып өткен еді. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png