Skip to main content

Қазақстанда ақша массасы төмендеді

Қаңтар-ақпан айларында 2,5%-ға қысқарды

Фото: Shutterstock

Қазақстанда ақша массасы 2020 жылдың ақпан айында 2,5% -ға 20,794 трлн теңгеге дейін қысқарды,-деп жазады «Интерфакс-Қазақстан».


Ағымдағы жылдың қаңтар-ақпан айларында бұл көрсеткіш 2,5% -ға төмендеді.


Ақпанда айналымдағы қолма-қол ақша көлемі 3,7% төмендеп, ол 2,2 трлн теңгеге жетті.


2019 жылдың ақпан айында ақша базасы 7,2% -ға дейін қысқарды. Сөйтіп, 6,4 трлн теңгені құрады. Бір айда қысқа ақша базасы (екінші деңгейлі банктердің Ұлттық банктегі мерзімді депозиттерін есептемегенде) 1,5% -ға төмендеп, 5 трлн 348 млрд. теңге болды. 

2019 жылы Қазақстандағы ақша массасы 2,4% -ға артып, 21 трлн теңгеден асты, ал ақша базасы 3,6% кеңейіп, 6 трлн 893 млрд теңгені құраған болатын.
 

banner_wsj.gif

Мемлекеттің 1 млрд теңгесі «желге ұшты»

«Нұрлы жер» бағдарламасы бойынша салынған кешен қаңырап бос тұр

Фото:Валерий Бугаев

Осыдан екі жылға жуық уақыт бұрын Павлодар облысына қарасты Аққулы ауылында жол бойы сервисі нысанының құрылысы аяқталған еді. Бұл кешенді салуға «Нұрлы жер» мемлекеттік бағдарламасы аясында 1 млрд теңге бөлінді. Жаңа кешенде 15 қонақ бөлмесі, асхана, көлікке техникалық қызмет көрсету орталығы мен дөңгелек жөндеу орны бар. Бірақ мұның барлығы пайдаланылмай, босқа тұр. 

Жобаға жауапты «ҚазАвтожол» ҰК» АҚ Павлодар облыстық филиалының директоры Ақылбек Қабылдиннің айтуынша, ҚР Қаржы министрлігі нысанды кәсіпкерлерге сенімді басқаруға беру заңға қайшы әрекет екенін алға тартып отыр. Сондықтан бұл кешенді кәсіпкерлерге тек жалға беру мүмкіндігі бар.

Ал ай сайынғы төлем 4 млн теңгені құрайды. Ауылдық жердегі жол бойы сервисін осындай сомаға жалға алу – бизнес өкілдерінің қалтасы көтермейтін баға. 

Сол себепті екі қабатты кешен қаңырап тұр. Ол аздай, оны күзетіп, қыста жылытып, күтіп-ұстау үшін бюджеттен жыл сайын тағы миллиондаған қаржы жұмсалады. Павлодар облысының әкімі Әбілқайыр Сқақов тұрғындарға да, кәсіпкерлерге де түк пайдасы жоқ был нысанды орталық органдармен келісе отырып сенімді басқаруға берудің немесе «ҚазАвтоЖол» Ұлттық компаниясының балансына тапсырудың жолдарын қарастыру қажеттігін айтты. Әйтпегенде, екі жылға жуық қараусыз қалған нысанға жұмсалатын шығын одан әрі өсіп кетуі әбден мүмкін. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png