Өзбекстанда жерге депутаттар иелік ететін болады

Жаңа тәртіп қолданысқа жаңа жылдан енгізіледі

Фото: Felix Lipov / Shutterstock.com

Өзбекстанда ауыл шаруашылығы мақсатындағы жерді беру және алу жөніндегі өкілеттілік халық депутаттарының кеңгаштарына беріледі.   Бұл турасында Конституция күніне арналған салтанатта Өзбекстан президенті Шавкат Мирзияев мәлім етті.

Бұдан бұрын жер мәселесі хокимдердің (аумақ басшылары) құзырында болған еді.

«Өздеріңіз білетіндей, осы уақытқа дейін жерді пайдалану құқығын беру немесе алу туралы шешімдерді хокимдердің өздері шығаратын. Хокимдердің ерекше өкілеттерін шектейтін кез келді, өйткені олар көптеген әділетсіздіктерге бастау болды. Бұдан былай, мұндай мәселелер тек сотта шешілетін болады», – деді республика басшысы. 


Енді жер бөлу туралы шешімдердің барлығы тиісті сайттарда жарияланатын болады. Ал кәсіпкерлердің меншік құқығын заңсыз шектеу анықталған жағдайда олардың мүдделерін сотта бизнес-омбудсмен қорғайтын болады.

Естеріңізге салсақ, 22-желтоқсанда Өзбекстанда Заң шығарушы плпта мен жергілікті кеңгаштар депуттарының сайлауы өтеді. Келесі жылдан бастап, аумақ бюджетін қалыптастыру және қабылдау бойынша халық қалаулыларының өкілетері елеулі түрде кеңейеді. Бірыңғай салық төлемінен, мобильдік байланыс қызметінің және алкоголь өнімдерінің акциз салығынан түсетін қаржы жергілікті жерлерге берілетін болады. Қосымша табысты бөлумен халық депутаттарының кеңгаштары айналысады
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Крахмал-сірне зауыты экологиялық сараптамасыз жұмыс істеп келген

Экология министрлігі Жаркенттегі жағымсыз иіс мәселесі шешіледі деп уәде берді

Фото: atameken.kz

Панфилов ауданының орталығы – Жаркент қаласының сасық иіске тұншығып тұрғанына бірнеше жыл болған. Қала маңында орналасқан крахмал-сірне зауытынан шыққан қалдық су сіңбей, одан бүкіл аймаққа күлімсі иіс тарап, қолқаны қабатын. Осы мәселені аудан жұршылығы бірнеше рет көтерген болатын. Жағымсыз иіс тек Жаркент қаласына емес, кейінгі жылдары аудан орталығынан алыс жатқан ауылдарға жеткен еді.  

Енді экология министрлігі жағымсыз иіс мәселесін шешеміз деп уәде беріп отыр.  Жергілікті тұрғындар зауыттың тазарту қондырғыларынан ауаға жағымсыз иіс тарайтынына бірнеше рет шағымданған соң, өңірге экология министрлігінің арнайы комиссиясы барыпты. 

Министрліктің баспасөз қызметінің хабарлауынша, мамандар қоқыс жиналатын сүзу алаңдарын аралаған кезде, іркіліп қалған ластаушы заттардың барын анықтаған. 

«Одан кейін жергілікті қоғамдастық өкілдерімен кездесіп, зауытты араладық. Бар мәселе – оның жеке қоқыс тазарту құрылғысынсыз жобаланғанында. Қалалық, коммуналдық тазарту нысандарына сенген. Алайда, 2018 жылы қалалық коллектор ластаушы заттардың көптігінен, кәсіпорынға өз қызметін ұсынудан бас тартқан. Коллектор ол көлемге шыдас бермеген. Сондықтан компания коллекторын салғанмен, қалдықты тазартпай, тікелей, сүзу алаңына құбыр арқылы жіберген», –  дейді ҚР ЭГТРМ Экологиялық реттеу және бақылау комитетінің төрағасы Зұлфыхар Жолдасов.

Нәтижесінде жүгері өңдеуден қалған қалдықтың көп бөлігі сүзу алаңында быжып,  күлімсі иіс шыға бастаған. Сөйтіп, күкіртсутек шығарындысы пайда болғандықтан, жергілікті тұрғындар бұдан зардап шегіп отыр. 
Экология министрлігі жүргізген тексеру барысында кәсіпорынның тиісті экологиялық сараптамасыз жұмыс істегені белгілі болды. Сол үшін оған айыппұл салынды.

Сонымен қатар, Экология министрлігі кәсіпорынды жақын арада толықтай тексеріп шығу туралы шешім қабылдап отыр. Шығарынды деңгейінің шамадан асуы расталса, онда шығарынды төгуге тыйым салудан бастап, кәіпорынды жабуға дейін мәселе қойылады.

Бұдан бөлек, министрлік кәсіпорын шығарындысы төгілген сүзу алаңын қалпына келтіруді талап етуде.
Ал компания тазарту құрылыстарының салынып жатқанын айтып, оны тамыз айында іске қосу жоспарланып отырғанын хабарлады. Кәсіпорын әзірге өндірісті өз еркімен тоқтата тұрады.

Өз кезегінде, Экология министрлігі кәсіпорынға жергілікті әкімдікпен бірлесіп, тазарту нысандарының құрылысын жүргізіп, аяқтау, одан әрі міндетті түрде сүзілген шығарындыны ғана тастау, сүзу алаңын қалпына келтіру жөніндегі жол картасын әзірлеу туралы ұсыныс айтты. Қабылданған шаралар туралы кейін толығырақ хабарланады.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg