Қазақстанда оқушылар теледидар арқылы білім алуы мүмкін

Сол үшін арнайы жұмыс тобы құрылды

Фото: Shutterstock

ҚР  Білім және ғылым министрі Асхат Аймағамбетов өзінің фейсбук парақшасында қашықтан оқытудың теледидарлық тәсілімен бөлісті.

«ЮНЕСКО-ның ақпаратына сәйкес, бүгінгі таңда 107 мемлекетте орта білім беретін мектептер толық жабылған. Бұл – 861 миллион оқушы білім алуын тоқтатты деген сөз. Бұған қоса 12 елдің кейбір қалаларында орта білім беру ошақтары жұмыс істемейді. Осыған байланысты бірқатар мемлекеттің алдында осы үдеріс салдарын азайту және үздіксіз білім беруді қамтамсыз ету үшін мүмкіндік жасау міндеті тұр»,- деді министр.

«Отандық білім беру жүйесі үшін де қашықтан оқыту форматына көшу – үлкен сынақ. Сондықтан қашықтан оқыту бойынша жүргізіліп жатқан жұмыс туралы тағы бір мәрте жазуды қажет деп санадым»,-деді ол.

1. «Қашықтан оқыту айтарлықтай оңай, әрі жеңіл ме?», «Білім беру ұйымдары 100% қашықтықтан оқыту форматына көше ала ма?» деген сынды сауалдар жиі қойылуда. Әлбетте, бәрі айтарлықтай оңай емес. Орта білім беру жүйесіне қатысты үлкен жұмыс атқарылуда, қазірдің өзінде нәтиже бар деп айтуға болады.

Жоғары білім деңгейіне келетін болсақ, шын мәнінде толық дайындық бар. ЖОО-ның басым көпшілігі соңғы екі жылда бірқатар технологияны пайдалып жүр. Сондықтан дайындық деңгейлері жақсы. Мәселен, ҚазҰУ, КИМЭП, ШҚМТУ, UIB, СДУ және тағы басқа университеттер үшін бұл форматта сапалы білім беру еш қиындық туғызбауда. Дегенмен, кейбір жекеменшік жоғары оқу орындары тұрақты бақылауға алынып, оларға әдістемелік және техникалық қолдау көрсетілуде. 

2. Біз арнайы жұмыс тобын құрдық. Оның құрамына қашықтан білім беру саласында жұмыс істейтін «Bilimland», «Daryn.online», «Күнделік», «Univer», «Platonus», «EduPage», БИЛ, «BTS education», «U-study» и «AGS» сынды ұйымдардың өкілдері және педагогтер, әдіскерлер, мектеп директорлары, директорлардың оқу ісі жөніндегі орынбасарлары және ЖОО проректорлары енді.

Бұл ретте жұмыс бірнеше бағыт бойынша жүргізілуде. Мәселен:
А) Тапсырмаларды беруді, олардың орындалуын тексеруді, бағалауды және кері байланысты қамтамасыз ететін ақпараттық жүйелерді енгізу;

Б) Білім алушылар бейне-сабақтарға қатысып, тапсырмалар алып, қажет болған жағдайда педагогтердің өз сыныбымен онлайн-талқылау, бағалау бойынша немесе бейне-стриминг сервистерін пайдалана алуын қамтамасыз ететін жүйелерді іске қосу;

В) Телеарналар арқылы сабақ өткізуге дайындалудамыз. Онда бейне-сабақтар сабақ кестесіне сай көрсетілетін болады. Бұл тетік, әсіресе, интернет қуаты әлсіз және қажетті құрал-жабдықтарға қатысты қиындықтары бар ауылдық білім беру ұйымдары үшін өзекті.

3. Интернет провайдерлері мен байланыс операторлары бойынша ЦДИАӨМ-мен бірлесіп жұмыс жүргізудеміз. Осы кезеңде білім беру ресурстарын пайдалану барысында трафик есептелмегені дұрыс. Осы мәселе бойынша Премьер-Министр тарапынан тиісті тапсырма берілді және қолдау көрсетілді.

4. Көптеген ірі платформалар өз қызметтерін тегін ұсынып жатыр. Бұл жұмысымызды біршама жеңілдетті. Қазіргі уақытта «Zoom» стримингтік сервисі мен «Coursera» деп аталатын ірі платформалардың бірі тегін қызмет көрсетуде. Сондай-ақ «Google Classroom», «Hangout», «Күнделік», «Moodle» жүйелерін тегін қолдануға болады. Сонымен қатар «Bilimland» платформасы өзінің 40 мыңнан астам контентін тегін ұсынды.

5. Қашықтықтан оқытуға келетін болсақ, біз оны онлайн-оқытумен шатастырмауымыз керек. Қашықтық форматының ұғымы әлдеқайда ауқымды және бірден бірнеше әдістерді пайдалануға мүмкіндік береді. Мұндай формат сабақты геймификациялауға (ойын түрінде өткізуге), өзін-өзі ширау деңгейін арттыруға, ең бастысы, оқытуды дербестендіруге мүмкіндік береді. Бұл – біз қол жеткізуге ұмтылып отырған қажетті, әрі тиімді оқыту жүйесі.

«Қарқынды жұмыс жүргізілуде. Кейде әртүрлі тәсілдер мен шешімдерді қабылдауды қажет етеді. Біз 5 сәуірге дейін ақпараттық жүйелерді дайындап үлгеруіміз керек. Оларды тиісті контентпен қамтамасыз етіп, сынап көруіміз қажет. Сондай-ақ, 6 сәуірден бастапқажет болған жағдайда жаңа форматта сабақ алуға бейімдеуге тиіспіз»,-министр. 

banner_wsj.gif

Енді мектеп формасы міндетті болмайды. Министр қандай жаңалықтарды жария етті?

Президент осы ведомствоны сынға алған болатын

Фото: Асқар Ахметуллин

Бүгін білім және ғылым министрі Асхат Аймағамбетов Фейсбук әлеуметтік желісінде тікелей эфирге шығып, жаңа оқу жылына байланысты жаңалықтарымен бөлісті. Министр айтқан сүйекті жаңалықтың бірі – бұдан былай оқушылар үшін мектеп формасының міндетті болмауы. 

Министр не айтты?

Мектеп формасы

«Балалар мектепке ұқыпты классикалық киімдермен келе алады. «Мектеп формасы» деген түсінік пен оның ұстанымы және талаптары ешқашан жойылмайды. Бірақ біз бұл бұйрыққа ТЖ, карантин, шектеу шаралары және форс-мажор жағдайына байланысты арнайы тармақ енгіземіз. Дәл сол жағдайлар үшін біз балалардың еркін классикалық формада киініп келуіне мүмкіндік береміз. Егер ата-ананың мектеп формасын сатып алуға мүмкіндігі жетпесе онда олар өз балаларын қарапайым классикалық киімдермен-ақ қамтамасыз етсін. Мұндай шешім дәл қазіргі жағдайда өте маңызды деп ойлаймын. Бұл жәй ғана нұсқаулық емес, бұл нақты нормативтік-құқықтық құжат». 

Қашықтан оқыту

«Мектептің оқыту форматына қарамастан оқушылар қағаз оқулықтармен қамтамасыз етіледі. Сондай-ақ олардың электронды форматқа көшуіне байланысты да жұмыс жүріп жатыр. Бізде оқулықтарға сәуір-мамыр айларында тапсырыс беріліп қойған. Оқытудың қай форматы болатынына қарамастан біз оқушыларды оқулықтармен қамтуымыз керек. Қашықтан оқыту болғанның өзінде оқушының қолында оқулықтың қағаз нұсқасы болуы қажет. Осы жылы мәселен, 11-сынып жаңа оқулықтар алады. Олар толықтай жаңартылған бағдарламаға көшеді. Сол себепті, оқулықтар сатып алынып, мектепке жеткізіледі. Электронды формат та өте маңызды болып тұр. Біз баспалармен келісіп, оқулықтардың электронды нұсқасы өте қажет екенін түсіндірдік».

Оқу форматы

«Біз ата-аналардың мүддесін ескере отырып, балалардың денсаулығын сақтай отыра оларға сапалы білім беретін шешімді жуық арада қабылдаймыз. Қазір біз мониторинг жасап, қандай ахуал, көңіл-күй қалыптасқанын байқап отырмыз. Коронавирусқа дейін қашықтан оқу туралы ниет білдірген белгілі бір бөлігі бар. Олар қазір де қашықтан оқу форматын қолдап отыр. Алайда бұған қарсылық білдірушілер де бар. Бұл риториканы біз түсінеміз. Сонымен қатар келесі бір топ көзбе-көз оқуды қалайды. Олар мұғалімнің бетпе-бет отырып сабақ түсіндіргенін ештеңе алмастыра алмайды деп санайды. Тағы бір топ баласын мектепке апарғысы келеді, алайда олардың денсаулығы үшін алаңдайды. 
    Тіпті бала ауырмағанның өзінде ол инфекцияны тасымалдауы мүмкін. Педагогтар да солай болуы мүмкін екенін айтып отыр. Сондықтан бұл орайда халықтың пікірі біржақты емес. Бұл қалыпты жағдай. Біз мұның бәрін түсінеміз. Соған орай біз шығаратын шешім де осыншама көзқарасты ескере отырып қабылданады. Ең бастысы – қауіпсіздік және біздің балалардың, педагогтердің, азаматтардың денсаулығын сақтау. Сондай-ақ сапалы білім мәселесі де күн тәртібінен түспейді. Біз білім беруді тоқтатпауымыз керек. 
Бірнеше базалық нұсқа бар. Біріншісі – қашықтан оқыту. Екінші нұсқа – аралас нұсқа. Яғни, белгілі бір сыныптар үшін қашықтан және бетпе-бет оқытуды іске қосу. Әрине, бұл жерде шектеу болуы керек. Бұл міндетті термометрия, міндетті санитайзерлер, әлеуметтік арақашықтық. Бұл – сабақтардың қысқаруы, топтарға бөліну, кабинеттік жүйенің жойылуы, т.б. Мектепке баруды іске қосқан жағдайда санитарлық талаптар қатаң сақталуы тиіс. Мәселен, бірқатар елдер мектептерін мамыр айында ашып тастады. Бірақ талаптарды қатаң түрде сақтады. Үшіншісі – қатаң санитарлық шектеулермен штаттық режим. Бұл дегеніміз балалар мектепке барып оқиды. Алайда үзіліс бойынша, класты толтыру бойынша, кабинеттік жүйе бойынша, тіпті асханаға бару бойынша да шектеулер болады. Бұл да көптеген елдерде қолданылған тиімді нұсқа. Алдағы бірер күнде біз осы нұсқалардың қайсысын таңдайтынымызды нақты шешеміз. Эпидемиялық жағдай тез өзгеруде. Алайда білім жүйесі қандай жағдайға да дайын болуы керек. Егер біз жаңа оқу жылын қашықтан оқыту арқылы бастасақ бұл жыл бойы солай болады дегенді білдірмейді. Режим жұмсарып, балалар мектепке баруы мүмкін. Ал барған күнде тиісті талаптар сақталады». 

Еске салсақ, 10 шілде күні өткен Үкіметтің кеңейтілген отырысында президент Қасым-Жомарт Тоқаев білім және ғылым министрлігін сынға алып, аталған ведомствоның жаңа оқу жылына дайындығына күмәнмен қараған еді. 

    «1 қыркүйек күні жаңа оқу жылы басталады. Бұл жағдайға министрліктің дайын екеніне күмәнім бар. Балалар қалай оқитын болады – мектепке бара ма, әлде қашықтан ба? Жаңа оқу жылына мұғалімдердің даярлығы қалай? Мектеп балансында 400 мыңнан астам компьютер болса соның тек 40 пайызы ғана істеп тұр. Бұл әкімдер мен министрлік жұмысының нәтижесі. Әкімдіктер жаңа оқу жылына жедел түрде дайындалып, мектептерді, мұқтаж отбасыларды қажетті құрал-жабдықпен қамтамасыз етуі керек. Қашықтан оқыту форматы бұл саладағы көптеген қиындықтардың бетін ашты. Инфрақұрылым мен интернетке байланысты қордаланған мәселелер бар. 20 пайыздан астам мұғалімдер үйлерінде толыққанды интернет пен компьютер болмаған соң қашықтан білім бере алмады» деген еді президент. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg