Өзбекстанда ислам банкингі енгізіледі

Жоба биыл жүзеге асырылуы мүмкін

Фото: Shutterstock

2020 жылы өзбектің 3 банкі исламдық қаржыландыру принциптері негізінде несие бере бастауы мүмкін. Бұл туралы Өзбекстан орталық банкі басшысының орынбасары Ботир Зохидовқа сілтеме жасай отырып Kun.uz басылымы хабарлайды.  

Микроқаржыландыру жүйесі туралы заң жобасын  талқылау барысында ол: «Қазір 3 банк исламдық қаржыландыруды қолға алуда. Бұл істің бірқатар технологиялық ерекшеліктері бар, биыл оның бәрі шешіледі деген ойдамын»,– деген. Алайда ОБ басшысының орынбасары қай банктер екенін нақтыламады. 

Айта кетейік, 2018 жылы Өзбекстанның нормативтік-құқықтық актілер жобасын талқылау порталында ел президентінің «Өзбекстан Республикасында ислам банкингі және қаржы инфрақұрылымын құру туралы» қаулысы жарияланған. Бұл құжат сол күйі қабылданбаған, дегенмен Ботир Зохидовтың айтуынша, қолданыстағы заңнамада ислам банктерінің жұмысына еш шектеу қойылмаған.

Ислам банкингі дегеніміз  – шариғат қағидаттарына сәйкес келетін қаржылық қызмет. Бұл жүйе жұмысы басты принциптерінің бірі  – берілген қарыздан пайыз алуға тыйым салынады. Қаржы институты бұл жағдайда кредитор емес, ақша бөлінетін жобаның инвесторы немесе серіктесі болады. Соңғы деректер бойынша, ислам қаржы ұйымдарының жиынтық активі $2,5 триллионнан асып, жыл сайын 15-20 пайыз өсіп келеді.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстандық банктер халық пен бизнеске көмектесуі тиіс

Регулятор көмек беру тетіктерін әзірлеп жатыр

Фото: Асқар Ахметуллин

Екінші деңгейлі банктер халық пен кәсіпкерлерге көмек қолын созуы тиіс. Бұл туралы Үкімет отырысында премьер-министр Асқар Мамин мәлімдеді. 

"Банктер ел халына және кәсіпкерлерге көмектесуі тиіс. Қаржы нарығын реттеу және дамыту агенттігіне екінші деңгейлі банктермен бірлесе отырып нақты ұсыныс жасау тапсырылды", -деді ол. 

Осы ретте премьер-министр 3 миллионға жуық қазақстандық 42500 теңге көлемінде әлеуметтік төлем алатынын айтып өтті. Көпбалалы аналар, жұмыссыздар тұрақты түрде азық-түлік себетімен қамтамасыз етіледі. 

Әкімдіктерге жұмыспен қамту жол картасын уақытылы әрі тиімді іске асыруды, әлеуметтік қолдаудың барлық түрлерін төлеуді қамтамасыз етуді тапсырды.

Жыл басынан бері мұнай бағасы 65,7%-ке, металдар 15,6%-ке, әлемдік биржа индекстері орта есеппен 20,9%-ке арзандады. Биыл 1 сәуірдегі жағдай бойынша, мұнай бағасы бір барреліне 22 долларға төмендеп кеткен.

Осы жағдайды ескере отырып, Ұлттық экономика министрі Руслан Дәленов жалпы ішкі өнім  0,9%-ке төмендейді деп мәлімдеді. 

Сондықтан ҚР ҰЭМ бюджет кірісі тапшылығын жабу және дағдарысқа қарсы шаралар кешенін қаржыландыру үшін 2020 жылы Ұлттық қордан кепілдендірілген трансфертті 2 трлн 70 млрд теңгеге көбейтіп, яғни 4 трлн 770 млрд теңгеге дейін артыруды ұсынып отыр.

Республикалық бюджетті нақтылау үшін өткен жиында «Ұлттық қордан 2020-2022 жылдарға арналған кепілдендірілген трансферт туралы» Заңына өзгеріс енгізу туралы» Президент Жарлығының жобасы қаралып, үкімет мүшелері бұл ұсынысты бір ауыздан қолдады. 

Мемлекет басшысы Қасым-Жомарт Тоқаев 31 наурыздағы мәлімдемесінде мемлекет шағын және орта бизнеске қолдау көрсету үшін бұрын-соңды болмаған шараларды қолға алып отырғанын айтып өткен еді. Оларды1 қазанға дейін еңбекақы төлеу қорынан ұсталатын салықтан босатуды тапсыра отырып, регулятор ШОБ несиесіне шегерім жасау мен қарызды қайта құрылымдау бойынша жұмыс атқарып жатқанын мәлімдеді. 

Бұған дейінгі қаржылық дағдарыс кезінде мемлекет банктерге қомақты қолдау көрсеткенін еске салған Президент енді банктердің де азаматтық жауапкершілік пен ынтымақтастық танытатын кезі жетті деп түйіндеді. 

"Қазір сіздердің қолдауларының халық мен отандық бизнеске ауадай қажет. Жағдай бұдан әрі ушығатын болса, үкімет пен қаржылық реттеуші осы мәселені шешуді өз қолына алады",- деді Тоқаев. 
 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg