Jýsan Bank 2019 жылы 35 млрд теңге пайда тапты

Банк жылдық қызметінің алдын ала нәтижелерін шығарды

Фото: Офелия Жакаева

Jýsan Bank  2019 қаржы жылын 35 млрд теңге көлеміндегі пайдамен аяқтап, қазақстандық екінші деңгейлі банктер арасында меншікті капитал көлемі бойынша екінші орынға шықты, деп хабарлайды банктің баспасөз-қызметі. 

2020 жылдың басында Jýsan Bank-тің меншікті капиталы 344 млрд теңгені (2019 жылдың басында 215 млрд теңге) құрап, 60%-ға артты. Бұл –қазақстандық банк секторындағы екінші көрсеткіш, оның ЕДБ арасындағы меншікті капиталдың, шамамен, 9,3% Jýsan Bank-ке тиесілі. 2019 жылдың басында банк меншікті капиталының мөлшері, шамамен, 215 млрд теңге болды.

Банк активтері 2020 жылдың 1 қаңтарында 1 330 млрд теңгені құрады. Ондағы 2020 жылдың басында реттеушінің 0,3 нормативіндегі банктің ағымдағы өтімділік коэффициенті (k4) 7,133 деңгейінде болды. Осылайша, банктің ағымдағы өтімділігі көрсеткіштері ең төменгі талаптардан 23 есе асып, Қазақстанның ірі он банкі арасында ең жоғары көрсеткішке ие болды.

2019 жылдың басында банктің несие портфелі 846 млрд теңгені, ал провизиялардың жалпы мөлшері 603 млрд теңгені (71%) құрады, бұл ағымдағы NPL-ді 326 млрд теңгеге (портфельдің 38%), яғни екі есе дерлік жабады.

2020 жылдың басында клиенттердің салымдары 649 млрд теңгені құраса, ондағы 230 млрд теңге компанияларға және 419 млрд теңге жеке тұлғаларға тиесілі.
Келтірілген алдын ала қорытынды мәндері 2019 жылғы банк қызметінің қорытындылары бойынша аудиттелмеген қаржылық есептіліктің нәтижелерінде негізделіп жасалған.

First Heartland Jýsan Bank (бұған дейін – Цеснабанк) Қазақстан қаржы нарығында 1992 жылдан бері қызмет атқарып келеді. 2019 жылдың 12 тамызында S&P Global Ratings халықаралық рейтингтік агенттігі «First Heartland Jýsan Bank» АҚ (Jýsan Bank) рейтингісі бойынша болжамын «Тұрақты» деңгейінен «Позитивті» деңгейіне көтерді, эмитенттің ұзақ мерзімді және қысқа мерзімді кредиттік рейтингілерін «В-/В» деңгейінде растаған. Сонымен қатар, банктің рейтингісі қазақстандық ұлттық шкала бойынша «kzBB-» деңгейінен «kzBB» деңгейіне дейін көтерілді.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстандық банктер халық пен бизнеске көмектесуі тиіс

Регулятор көмек беру тетіктерін әзірлеп жатыр

Фото: Асқар Ахметуллин

Екінші деңгейлі банктер халық пен кәсіпкерлерге көмек қолын созуы тиіс. Бұл туралы Үкімет отырысында премьер-министр Асқар Мамин мәлімдеді. 

"Банктер ел халына және кәсіпкерлерге көмектесуі тиіс. Қаржы нарығын реттеу және дамыту агенттігіне екінші деңгейлі банктермен бірлесе отырып нақты ұсыныс жасау тапсырылды", -деді ол. 

Осы ретте премьер-министр 3 миллионға жуық қазақстандық 42500 теңге көлемінде әлеуметтік төлем алатынын айтып өтті. Көпбалалы аналар, жұмыссыздар тұрақты түрде азық-түлік себетімен қамтамасыз етіледі. 

Әкімдіктерге жұмыспен қамту жол картасын уақытылы әрі тиімді іске асыруды, әлеуметтік қолдаудың барлық түрлерін төлеуді қамтамасыз етуді тапсырды.

Жыл басынан бері мұнай бағасы 65,7%-ке, металдар 15,6%-ке, әлемдік биржа индекстері орта есеппен 20,9%-ке арзандады. Биыл 1 сәуірдегі жағдай бойынша, мұнай бағасы бір барреліне 22 долларға төмендеп кеткен.

Осы жағдайды ескере отырып, Ұлттық экономика министрі Руслан Дәленов жалпы ішкі өнім  0,9%-ке төмендейді деп мәлімдеді. 

Сондықтан ҚР ҰЭМ бюджет кірісі тапшылығын жабу және дағдарысқа қарсы шаралар кешенін қаржыландыру үшін 2020 жылы Ұлттық қордан кепілдендірілген трансфертті 2 трлн 70 млрд теңгеге көбейтіп, яғни 4 трлн 770 млрд теңгеге дейін артыруды ұсынып отыр.

Республикалық бюджетті нақтылау үшін өткен жиында «Ұлттық қордан 2020-2022 жылдарға арналған кепілдендірілген трансферт туралы» Заңына өзгеріс енгізу туралы» Президент Жарлығының жобасы қаралып, үкімет мүшелері бұл ұсынысты бір ауыздан қолдады. 

Мемлекет басшысы Қасым-Жомарт Тоқаев 31 наурыздағы мәлімдемесінде мемлекет шағын және орта бизнеске қолдау көрсету үшін бұрын-соңды болмаған шараларды қолға алып отырғанын айтып өткен еді. Оларды1 қазанға дейін еңбекақы төлеу қорынан ұсталатын салықтан босатуды тапсыра отырып, регулятор ШОБ несиесіне шегерім жасау мен қарызды қайта құрылымдау бойынша жұмыс атқарып жатқанын мәлімдеді. 

Бұған дейінгі қаржылық дағдарыс кезінде мемлекет банктерге қомақты қолдау көрсеткенін еске салған Президент енді банктердің де азаматтық жауапкершілік пен ынтымақтастық танытатын кезі жетті деп түйіндеді. 

"Қазір сіздердің қолдауларының халық мен отандық бизнеске ауадай қажет. Жағдай бұдан әрі ушығатын болса, үкімет пен қаржылық реттеуші осы мәселені шешуді өз қолына алады",- деді Тоқаев. 
 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg