Нұр-Сұлтанда ерекше балаларға арналған екі оңалту орталығы ашылды

Орталықта аутизм диагнозы бар балалармен жұмыс жасайды

Фото: Shutterstock

Нұр-Сұлтан қаласында  ерекше күтімді қажет ететін балаларға арналған екі оңалту орталығы ашылды. Бірінші оңалту орталығы Болат Өтемұратов  қорымен бірлесіп ашылды. Орталықта аутизм диагнозы бар балалармен жұмыс жасайды. Бұл туралы Нұр-Сұлтан қаласының ресми интернет-ресурсы мәлімдеді.

Орталықтың ашылуы аутистік спектрдегі ауытқуы бар балаларды 50% көбірек қамтуға мүмкіндік береді.

Екінші оңалту орталығы да осы орталық орналасқан жаңа тұрғын үй кешенінің(Уәлиханов, 23) бірінші қабатында орналасқан. Орталық күніне 200 келушіге дейін қабылдай алады. Онда БЦП, аутизм және басқа да  аурулары бар ерекше күтімді қажет ететін балалармен айналысатын болады.

Алты жасар ұл баланың анасы Эльнара Шарафутдинованың айтуынша, мұндай орталықтар ерекше балаларды оңалту үшін өте қажет.

 “Бұрын бізге түрлі емханалар мен орталықтарға баруға тура келді, қазір баланы оңалту үшін барлық қажетті қызметтерді осы орталықтан, бір жерден алуға болады", - дейді Эльнара.

 "Біз баламызбен оңалту орталықтарына барамыз, өз кезегімізді күтіп қалатын кездер де болады, себебі басқа да балалар бар екенін түсінеміз. Мен орталықтарға барғаннан кейінгі нәтижелерді байқаймын. Менің балам алғашқы қадам жасай бастады. Елордада оңалту орталықтарының көбейіп жатқаны қуантады. Себебі қалада ерекше 5,5 мың бала бар. Оңалту орталықтарының ашылуы балаларды көптеп  қамтуға және орталықтарға жиі баруға мүмкіндік береді", - деді ерекше баланың анасы Қымбат Керейбай.

Қала әкімдігі Мемлекет басшысының  тапсырмасы бойынша ерекше күтімді қажет ететін адамдар үшін жағдай жасау жұмыстарын жүйелі түрде  жүргізуде. Ипподром базасында иппотерапиямен айналысуға арналған жабық манеж құрылысы жүргізілуде, жаңа ғимараттардың бірінші қабаттарында әлеуметтік нысандар (балаларға арналған шағын орталықтар, оңалту орталықтары, балабақшалар) ашылуда, инватакси саны екі есе өсті.

Жастар сарайы ғимаратындағы ерекше күтімді қажет ететін адамдар үшін қолжетімді болатын бассейнге де жөндеу жұмыстары жүргізілуде.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif