Індетпен  күресте алдыңғы шепте келе жатқан дәрігерлер марапатталды

Полиция қызметкерлері, еріктілер мен автобус жүргізушілері де алғыс хаттармен марапатталды 

Фото: Shutterstock

Нұр-Сұлтанда астана күніне орай медициналық қызметкерлерге мемлекеттік наградалар, Елбасы Нұрсұлтан Назарбаев пен Мемлекет басшысы Қасым-Жомарт Тоқаевтың атынан алғыс хаттар табыс етілді. Бұл туралы Нұр-Сұлтан қаласының ресми интернет-ресурсы мәлімдеді.

 Сонымен қатар елорданың дамуына үлес қосқан тұрғындар астананың құрметті тұрғыны атағына ие болды. III дәрежелі "Барыс" орденімен көпбейінді медицина орталығының бас дәрігерінің орынбасары Сәуле Атығаева, "Парасат" орденімен жұқпалы аурулар госпиталінің бас дәрігері Анна Цепке, "Құрмет" орденімен дәрігер-реаниматолог Илья Логвиненко, жедел жәрдем станциясының директоры Мұрат Оразбаев, "Ерен еңбегі үшін" медальдарымен анестезиолог-реаниматолог Иван Вахрушев, сондай-ақ, дәрігер-инфекционист "Нұр-Сұлтан қаласының Орталық жол ауруханасы" ЖШС бөлімшесінің меңгерушісі марапатталды. 

Коронавирус індетімен күресте алдыңғы шепте келе жатқан 20-дан астам медицина қызметкері мемлекеттік наградалармен марапатталды. Пандемия кезінде қала тұрғындарына азық-түлік себеттерін, дәрі-дәрмектерді жеткізіп, блок-посттардың жұмысын реттеуге ат салысқан еріктілер ел басшылығының атынан алғыс хаттармен марапатталды. Сонымен бірге елорда әкімі Алтай Көлгінов бүгін астананың құрметті тұрғындары атағын екі ардагерге табыс етті.

Кандидатураларды депутаттар қалалық мәслихат сессиясында қолдады. Отызбай Сүйіндіков 1953 жылдан бастап мұғалім болып қызмет атқарды. Ол 30 жылдан астам уақыт педагогикалық училищеде жұмыс істеді және болашақ педагогтарды тәрбиеледі. Елорданың құрметті тұрғыны атағы хирург Владимир Баумейстерге берілді. Ол 15 мыңнан астам операция, 13 мыңнан астам зерттеу жұмыстарын жүргізді.

 "Бүгінде марапатталушылардың басым бөлігі онлайн-режимде қатысып жатыр. Әрқайсыңыз коронавирусқа қарсы күреске үлкен үлес қосып жатырсыз. Мен үшін сіздерге Мемлекет басшысының атынан наградалар тапсыру үлкен құрмет. Қала қауіпсіздігін қамтамасыз ететін полиция қызметкерлері, күн сайын медициналық қызметкерлерді жұмысқа алып келетін автобус жүргізушілері де алғыс хаттармен марапатталды. Әр адамның індетпен күреске қосып жатқан үлесін бағалаймыз. Келе жатқан астана күні құтты болсын", - деді қала әкімі Алтай Көлгінов.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif