Түркиялық инвесторлар Атырау облысына гуманитарлық көмек көрсетті

Олар індетке қарсы медициналық құрал жабдықтар жіберді

Фото: Қазақстан Сыртқы істер министрлігінің ресми жаңалықтар каналы

Қазақстанда 90-шы жылдардан бері инвестициялық қызмет атқарып келе жатқан түркиялық Magdenli Yer Hizmetleri ve Tasima компаниясы Атырау облысына гуманитарлық көмек көрсету туралы шешім қабылдады. Бұл туралы Қазақстан Сыртқы істер министрлігінің ресми жаңалықтар каналы хабарлады.

Түркиялық инвестор жалпы көлемі 650 кг болатын медициналық көзілдірік, латекстен жасалған қолғап, маска және комбинезондар жіберді.

Magdenli компаниясының иесі Керем Мағденлиден гуманитарлық көмекті қабылдау кезінде Қазақстанның Түркиядағы Елшісі Абзал Сапарбекұлы Қазақстанда жұмыс атқаратын бауырлас Түркия мемлекетінің инвесторлары COVID-19-бен қарсы күресте белсенділік танытып, осы уақытқа дейін жан-жақты көмек көрсетіп жатқанын атап өтті. Осындай бастамалар Қазақстан мен Түркия арасында орнатылған Стратегиялық әріптестіктің әрі халықтарымыз арасындағы бауырластықтың айқын айғағы дей отырып, Елші алдағы уақытта басқа да түрік инвесторлары көмек көрсетуге ниет білдіргенін айтты.

Magdenli Yer Hizmetleri ve Tasima компаниясы Атырау қаласы әуежайының инвесторы.
Бұдан бұрын YDA Holding, Anadolu Endustri Holding (Coca-Cola Icecek), Nobel Ilac, Abdi Ibrahim, Yildirim Holding сияқты басқа да бірқатар түркиялық инвесторлар Қазақстанға гуманитарлық көмек жіберген.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif