Енді бетпердесіз қоғамдық көлікке кіргізбейді

Ведомствоаралық комиссия карантинді күшейту мәселесін қарастырды

Фото:Shutterstock

Ведомствоаралық комиссия карантин режимінің сақталуына бақылауды күшейту мәселесін қарастырды. Бұл туралы  Қазақстан Республикасы Премьер-Министрінің ресми ақпараттық ресурсы хабарлады.

ҚР Премьер-Министрінің орынбасары Е. Тоғжановтың төрағалығымен өткен коронавирус инфекциясының пайда болуына және таралуына жол бермеу жөніндегі ведомствоаралық комиссияның отырысында ел тұрғындарының бекітілген карантиндік режимді қатаң сақтауды бақылауға алу мәселесі қаралды.

 «Біршама өңірлерде ауруды жұқтыру саны көбейіп отыр, бұл тікелей карантиндік талаптардың орындалмауына байланысты. Мемлекет басшысының тапсырмасына орай өңірлер санитарлық-эпидемиологиялық талаптардың орындалуын бақылауды ұйымдастырып, оларды орындамаған азаматтарға, мекемелерге, өндіріс объектілері мен кәсіпкерлік субъектілеріне қатысты тиісті шаралар қабылдауы керек», - деді Е. Тоғжанов.

Осыған орай, өңірлердің әкімдіктері мен мемлекеттік органдарға тапсырылды:

*еңбек ұжымдарында әлеуметтік қарым-қатынастың деңгейін барынша төмендету;

*жұмыс күні барысында бетперде тағу және уақтылы ауыстыруды бақылауда ұстауды ұйымдастыру;

*әлеуметтік ара қашықтықты сақтау мүмкіндігін жасау;

*қоғамдық көлікке жолаушылардың тек арнайы отыру орындарына сәйкес және міндетті түрде маскасы бар болған жағдайда ғана мінуін қамтамасыз ету;

*қорғаныс, ішкі істер қызметкерлерінің қатысуымен қоғамдық және өндіріс орындарын, мекемелер мен объектілерді дезинфекциялау шараларын күшейту. 

Берілген тапсырмалардың орындалуы Үкімет тарапынан тұрақты бақылауға алынады. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif