Сайлау туралы заңды өзгерту жөнінде референдум өткізу ұсынылды

Бастамашыл топ Орталық сайлау комиссиясына өз ұсыныстарымен шыққан

Фото: REUTERS/Pavel Mikheyev

Орталық сайлау комиссиясына республикалық референдум өткізу жөніндегі бастамашыл топ өтініш берді, деп хабарлайды ОСК баспасөз қызметі.

Құрамында Н.Есқалиев,  А.Әбдіхалықова, М.Дәрібеков сынды азаматтар бар бастамашыл топ Орталық сайлау комиссиясының қарауына бастамашыл топ пен олардың референдумға ұсынған мәселесін тіркеу құжаттарын ұсынды.

Бастамашыл топтың ұсынысы бойынша, референдумда келесі қарастырылмақ:

1) «Қазақстан Республикасындағы сайлау туралы» Қазақстан Республикасының Конституциялық заңына өзгерістер енгізуге, оның ішінде пропорциялық жүйемен, тең мөлшерде бір мандатты округтер бойынша сайлау жүйесін енгізуге келісесіз бе?

2) «Саяси партиялар туралы» Қазақстан Республикасының Заңына өзгерістер енгізуге, оның ішінде партияны мемлекеттік тіркеу кезінде оның мүшелерінің санын қырық мыңнан бір мыңға дейін азайтуға келісесіз бе?

Аталған құжаттарды ҚР Орталық сайлау комиссиясы «Республикалық референдум туралы» Конституциялық заң талаптарын сақтай отырып, белгіленген мерзімде қарайтын болады.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif